Олунньу 19 күнүгэр, Хара нэһилиэгэр Василий Егоров аатынан “Чыпчаал” спортивнай кииҥҥэ, улуустааҕы үөрэх салалтата уонна Харатааҕы “Кэрэчээн” уһуйаан тэрийэн, үгэскэ кубулуйбут алтыс төгүлун ыытыллар оскуолаҕа киириэн иннинээҕи саастаах оҕолорго улуустааҕы “Будущие защитники-2026” строевой хаамыы уонна ырыа күрэҕэ буолан ааста.

Күрэх оҕоҕо төрөөбүт дойдутугар бэриниилээх буолуу, хамаанданан үлэлииргэ сатабыл, эти-сиини эрчийии сыаллаах, Мэҥэ-Хаҥаласка оскуола иниинээҕи үөрэҕирии 100 сылыгар уонна Аҕа дойдуну көмүскээччилэр күннэригэр ананна.

Күрэххэ уопсайа улуус кустовой методическай холбоһуктар  кыайыылаахтара аҕыс уһуйаан хамаандата кыттыыыны ыллылар: Павловскай “Мичээр”, Төҥүлү «Олимпионик», Табаҕа «Кэскил», Майатааҕы «Чуораанчык», Тыыллыма «Күнчээн», Матта «Ньургуһун», Харатааҕы “Кэрэчээн”, Аллараа Бэстээх “Солнышко”.

Дьүүллүүр сүбэҕэ үлэлээтилэр:

1. Мэҥэ-Хаҥалас үөрэҕин салалтатын иитии уонна эбии үөрэхтээһин отделын сүрүн специалиһа Милан Михайлович Илларионов.

2. Анал байыаннай дьайыы ветерана Петр Петрович Парников.

3. Мэҥэ-Хаҥалас улууһун Хара, Ходоро, Тыыллыма, Догдоҥо нэһилиэктэрин участковайа Дмитрий Юристанович Слепцов.

Түмүкккэ бастакы миэстэни Майатааҕы «Чуораанчык», иккис миэстэни Тыыллыматааҕы «Күнчээн», үһүс миэстэни Аллараа Бэстээх «Солнышко» уһуйаан хамаандалара ыллылар.

Кыттааччылар бары сертификат, грамота, мэтээл, кыайыылаах хамаанда көһө сылдьар кубок ылан үөрэн тарҕастылар. “Бастыҥ хамандыыр” анал аат иҥэрилиннэ Сарыал Гоголевка, Табаҕа “Кэскил” детсад хамандыырыгар, “Бастыҥ ырыа” анал аат Харатааҕы “Кэрэчээн” детсад хамаандата, “Бастыҥ параднай форма” анал аат Маттатааҕы “Ньургуһун” детсад хамаандата ыллылар.

Тэрийээччилэр ааттарыттан күрэххэ кэлэн кыттыбыт хамаандаларга уонна бэлэмнээбит иитээччилэргэ махталбытын тиэрдэбит.