Күндү үөрэнээччилэри, учууталлары, төрөппүттэри Балаҕан ыйын 1 күнүнэн — Билии күнүнэн уонна саҥа үөрэх дьыла саҕаламмытынан Мэҥэ-Хаҥалас улууһун үөрэҕин салалтатын аатыттан ис сүрэхпиттэн эҕэрдэлиибин!

Билии киэҥ аартыгар үктэнэр бастакы кылааска киирэр кырачаан оҕолорго уонна төрөппүттэригэр ураты долгутуулах күн.

Күндү үөрэнээччилэрбит, билии аартыгынан хардыылаан, саҥа үрдэллэргэ дабайаҥҥыт ситиһиилээх дьон буола улаатын.

Төрөппүттэргэ тулууру баҕарабын, оскуоланы кытта тэҥҥэ оҕолор сайдалларын, бэйэлэрин талааннарын, ураты дьоҕурдарын арыйалларыгар үлэлэһиэххит диэн эрэнэбин.

Ытыктабыллаах учууталлар! Эһиги талбыт идэҕитигэр бэриниилээххитинэн киэн туттабын, талааҥҥыт саҥа таһымҥа тахсан истин, өссө үрдүк ситиһиилэр кэлэ турдуннар. Оҕолорбут улуус инникитин уһансар кыахтаах буола сайдалларыгар, дойдуларыгар бэриниилээх буолалларыгар, сатабылгытын, кыһамньыгытын ууран айымньылаахтык үлэлииргитигэр баҕарабын уонна махталбын тиэрдэбин!

Билии күүһэ чыпчаалга тиэрдэр суолу сырдаттын!

Ирина Михайловна Плотникова,

Мэҥэ Хаҥалас улууһун үөрэҕириигэ салалтатын начаалынньыгын э.т.