Ыам ыйын 28 күнүгэр Майа сэлиэнньэтигэр “Ураһалаах” алааһыгар 2024-2025 үөрэх сылын түмүктүүр «Бастыҥ үлэлээх иитэр үлэ штаба: Иитэр үлэ саҥа философиятыттан - олох саҥа философиятыгар» улуустааҕы көрүү-күрэх ыытылынна.

Оскуола иитэр үлэҕэ бастыҥнарын быһаарар күрэх Өрөспүүбүлүкэҕэ 2023 сылтан биһиги улуус дириэктэри иитэр үлэҕэ сүбэһиттэрин көҕүлээһиннэриттэн саҕах ылан быйыл үһүс төгүлүн ыытылынна.

«Бастыҥ иитэр үлэ штаба» күрэх сүрүн сыала - иитэр үлэ үтүө уопутун түмүү, санаа атастаһыы уонна киэҥ эйгэҕэ тарҕатыы буолар.

Тэрээһиҥҥэ уопсайа 8 үөрэх кыһатыттан 40 оскуола сүрүннүүр үлэһиттэрэ кыттыыны ыллылар. Ол курдук: В.Н. Оконешников аатынан Павловскай оскуолатын, А.С. Шахурдин аатынан Төҥүлү оскуолатын, Е.Д. Кычкин аатынан Матта оскуолатын,Моорук оскуолатын, И.И. Платонов аатынан Наахара оскуолатын, Тарат оскуолатын, С.З. Борисов аатынан Тыылыма оскуолатын, А.В. Чугунов аатынан Мэлдьэхси оскуолатын хамаандалара күрэхтэстилэр.

Ыҥырыылаах экспертэринэн буоллулар:

• Стручков Мирослав Александрович, Российскай Федарация үөрэҕириигэ министерствотын «Росдетрентр» судаарстыбыннай тэрилтэтин патриотическай иитиигэ бырайыактыыр уонна программалары олоххо киллэрии отделын аналитикаҕа сүрүннүүр экспертэ.
• Владимирова Мария Ивановна, Российскай Федарация үөрэҕириигэ министерствотын “Росдетрентр” судаарстыбыннай тэрилтэтин патриотическай иитиигэ бырайактыыр уонна программалары олоххо киллэрии отделын сүрүннүүр экспертэ.

Салҕыы дьүүллүүр сүбэҕэ үлэлээтилэр:

1. Монастырева Марианна Дмитриевна - О5о саас сирдьиттэрэ федеральнай проект улуустааҕы координатора, “Мэҥэ кэскилэ” патриотическай иитиигэ тирэх киин салайааччыта, "Новая философия воспитания-2025" бүтүндойдутааҕы оҕо премиятын финалиһа.

2. Варламова Нюргуяна Аркадьевна - улуус үөрэҕириитин салалатын иитэр үлэҕэ уонна эбии уорэхтээһин отделын начальнига.

3. Сидорова Татьяна Васильевна - улуус үөрэҕириитин салалтатын иһитиннэрэр методическай отдел начальнига

4. Луковцева Александра Родомировна – улуус үөрэҕириитин салалтатын иһитиннэрэр аналитикалыыр отдел начальнига

5. Кычкина Ирина Владимировна - Кеша Алексеев аатынан Хаптаҕай орто оскуолатын директора

6. Стручков Филипп Александрович- Попов аатынан А-Бэстээх орто оскуолатын директора

7. Петрова Кэскилээнэ Николаевна - Ф.Г. Охлопков аатынан Майа орто оскуолатын дириэктори иитэр үлэҕэ сүбэһитэ, “Новая философия воспитания-2024" "Дьоруннааҕы кэпсэтии" специальнай номинация кыайыылааҕа.

8. Филиппова Мария Дмитриевна - Владимир Петрович Ларионов аатынан Майа орто оскуолатын дириктэри иитэр үлэҕэ сүбэһитэ, "Классный руководитель года -2025" республикатааҕы күрэх призера

9. Гаврильева Любовь Ивановна - Кэрэли эбии үөрэхтээһин киинин педагога, оҕо- ыччат хамсааһынын педагог-наставнига

10. Стручкова Сардана Семеновна. - Кеша Алексеев аатынан Хаптаҕай орто оскуолатын иитэр үлэҕэ директэр солбуйааччыта.

11.Терентьева Елена Афанасьевна - Кеша Алексеев аатынан Хаптаҕай орто оскуолатын социальнай педагога.

12 .Кривошапкина Мария Николаевна - Кеша Алексеев аатынан Хаптаҕай орто оскуолатын кылаас салайааччыта.

13. Бубякина Февронья Григорьевна – 2 №-дээх А-Бэстээх орто оскуолатын дириэктэри иитэр үлэҕэ сүбэһитэ.

Бастакы түһүмэххэ “Новая философия воспитания” визиткалары көрүүгэ хамаандалар бэйэлэрин билиһиннэрдилэр. Кыттааччылар тылларын-өстөрүн истэн, үлэлиир оскуолаларын тиэмэтин, ис хоһоонун толору арыйалларын, дьоҕурдарын, сатабылларын көрдөрдүлэр.

Иккис түһүмэх “Команда решает” дьыалабыай оонньуу буолла. Бу хамаандалар эрдэ ыйыллыбыт боппуруоска бэлэмнэмнэн  бэйэлэрин оскуолаларыгар хайдах үлэлээн-хамсаан олороллорун бэрэбиэркэлэннилэр..

Салҕыы үһүс түһүмэх “В единстве сила” станцияларынан оонньуу бэрт сэргэхтик ааста. Манна кыттаааччылар араас сорудахтаах 10  станцияны  туораан хамаандаҕа үлэҕэ араас тургутуулары аастылар..

Эбиэт кэннэ площадкаларынын үлэ буолла. Уопсайа 4 площадка:

• Директордарга анаммыт площадка «Искусство управления: разговор с предметом»
• Иитэр үлэҕэ солбуйааччыарга уонна сүбэһиттэргэ анаммыт площадка “Ветер перемен”.
• Социальнай педагогка уонна психолокк анаммыт площадка “Добро начинается с тебя!”
• Кылаас салайааччыларыгар анаммыт площадка “Воспитание событием: саарыннар суолларынан”.

Уонна түмүктүүр түһүмэҕинэн “Зажгите ребячьи сердца” диэн творческай түһүмэҕинэн  күммүт түмүктэннэ.

Күрэх түмүгүнэн анал ааттар туттарылыннылар уонна кыайыылаахтар ааттаннылар:

“КЫЛААН ЧЫПЧААЛ” – Төҥүлү оскуолатын хамаандата;

1 истиэпэннээх Лауреат –Матта оскуолатын хамаандата;

2 истиэпэннээх Лауреат – Наахара оскуолатын хамаандата;

3 истиэпэннээх Лауреат – Моорук оскуолатын хамаандата.