Кулун тутар 16 күнүгэр В.Н. Оконешников аатынан Павловскай орто оскуолатыгар өрөспүүбүлүкэтээҕи "Басхан" куонкурус улуустааҕы түһүмэҕэ ыытылынна.

Куонкурус сүрүн сыалынан уол оҕону сахалыы сиэргэ-майгыга иитии, өй-санаа өттүнэн сайыннарыы буолар. Куонкурус 5 түһүмэхтэн: "Удьуорбун утумнаан", «Саха Өрөспүүбүлүкэтин бэҕэһээҥҥитэ, бүгүҥҥүтэ, сарсыҥҥыта" мөккүөр, "Салайааччылар мин харахпынан" тус санаа, "Өркөн өй" ыйытыктар, "Айар дьоҕур" хоһоону салҕаан айан таһаарыы.

Бүгүҥҥү тэрээһиҥҥэ Н.В. Петров аатынан Дьабыыл орто оскуолатыттан Игорь Федоров, Н.Д. Неустроев аатынан Бэдьимэ орто оскуолатыттан Артем Сергучев, В.Н. Оконешников аатынан Павловскай орто оскуолатыттан Данил Васильев, Артем Егоров, И.М. Романов аатынан Төхтүр орто оскуолатыттан Юрий Егоров, И.Г. Тимофеев аатынан Майатааҕы лиссиэйтэн Николай Кириллин, М.П. Габышев аатынан Балыктаах орто оскуолатыттан Сайдам Винокуров, В.П. Ларионов аатынан Майа орто оскуолатыттан Иннокентий Неустроев кытыннылар.

Санаа атастастылар, уолаттар элбэҕи билбиттэрин-көрбүттэрин иһитиннэрдилэр, инникитин маннык ис хоһоонноох куонкурустар үгэс быһыытынан олохтоноллоругар баҕа санааларын тиэртилэр.

"Муҥутуур кыайыылаах" ааты Балыктаахтан Сайдам Винокуров. Майатааҕы лиссиэйтэн Николай Кириллин бастакы, Төхтүртэн Юрий Егоров иккис, Артем Сергучев (Бэдьимэ) үһүс үрдэлинэн бэлиэтэннилэр. Өрөспүүбүлүкэтээҕи куонкуруска Сайдам Винокуров улууспут аатын чиэстээхтик көмүскүүрүгэр эрэнэбит.

Зоя Герасимова

Подробнее: https://xn--h1abcx8dca.xn--p1ai/article/46470