Бүгүн, ахсынньы ый 19 күнүгэр, «Манчаары оҕолоро» комплекснай спартакиада чэрчитинэн баскетболга уолаттар хамаандаларыгар финал буолан ааста, күрэхтэһиини В.П. Ларионов аатынан Майа орто оскуолатын физкультура учууталлара А.Н. Пестерев салалтатынан ыыттылар.

Финалга В.П.Ларионов аатынан Майа орто оскуолатын, Ф.Г. Охлопков аатынан Майа орто оскуолатын, А.В.Чугунов аатынан Мэлдьэхси орто оскуолатын, Н.В.Петров аатынан Дьабыыл орто оскуолатын уолаттарын сүүмэрдэммит хамаандалара күрэхтэстилэр.

Түмүккэ 1 миэстэни В.П.Ларионов аатынан Майа орто оскуола, 2 миэстэни Ф.Г. Охлопков аатынан Майа орто оскуола, 3 миэстэни А.В.Чугунов аатынан Мэлдьэхси орто оскуолатын хамаандалара буоллулар, бу күрэхтэһии түмүгүнэн Мэҥэ-Хаҥалас улууһун сүүмэрдэммит хамаандата оҥоһуллан “Спортивные Якутяне” Саха Республикатын спартакиадатыгар күрэхтэһиэхтэрэ.

Илларионов М.М., үөрэҕирии салалтатын кыл. испэсэлииһэ