 Бүгүн, балаҕан ыйын 7 күнүгэр, “Кэлим үөрэҕирии эйгэтэ: үөрэтии уонна иитии саҥа кыахтара” балаҕан ыйынааҕы үөрэҕирии үлэһиттэрин уонна улуус уопсастыбаннаһын пленарнай мунньаҕа Майатааҕы Д.Ф.Ходулов аатынан норуот айымньытын дьиэтигэр дириҥ ис хоһоонноох ыытылынна.
Кыттыыны ыллылар Мэҥэ-Хаҥалас улууһун баһылыга Дмитрий Иванович Тихонов, Мэҥэ-Хаҥалас улууһун баһылыгын социальнай уонна имиджевай бэлиитикэҕэ солбуйааччы Альбина Андреевна Григорьева, Саха Өрөспүүбүлүкэтин үөрэҕи сайыннарар уонна идэ таһымын үрдэтэр Семен Николаевич Донской–II аатынан институт дириэктэрин бастакы солбуйааччы Галина Ивановна Алексеева, Саха Өрөспүүбүлүкэтин үөрэҕи сайыннарар уонна идэ таһымын үрдэтэр Семен Николаевич Донской -II аатынан институт общественноһы кытта үлэ отделын салайааччыта Дария Николаевна Санникова, Саха Өрөспүүбүлүкэтин тыа хаһаайыстыбатын министиэристибэтин миниистири бастакы солбуйааччыта Петр Иванович Попов, Саха Өрөспүүбүлүкэтин Ил Түмэн мунньаҕын депутата, аграрнай бэлиитикэ сис кэмитиэтин бэрэссэдээтэлэ Андрей Михайлович Находкин, "Саха" национальнай көрдөрөр-иһитиннэрэр хампаанньыйа дириэктэрэ Олег Олегович Марков, Аграфена Дмитриевна Макарова аатынан Дьокуускайдааҕы культура уонна искусство колледжын дириэктэрэ Захар Николаевич Никитин уонна да атыттар.
Мунньах кыттыылаахтара үөрэҕирии тирээн турар боппуруостарын дьүүллэһэн баран уопсай быһаарыынан резолюцияны ылыныы буолла.
МУННЬАХ ХААРТЫСКАЛАРА
#ГПН_2023 #ГодПедагогаНаставника
| 
