Олунньу 20 күнүгэр Баатара орто оскуолатыгар “Аҕа дойдуну көмүскээччи” патриотическай иитии ыйын былаанын чэрчитинэн “Баатара Баатырдара” республиканскай военно-спортивнай оонньуулар анал байыаннай дьайыы кыттыылааҕа, кадетскай интернат воспитателя Владислав Эдуардович Тарабукин сырдык аатын үйэтитэн, кадетскай кылаас выпускниктарын – СВО буойуннарын чиэстэригэр уонна Сэбиэскэй Союз Героя Ф.К. Попов 105 сааһын көрсө ыытылыннылар. Республиканскай военно-спортивнай күрэхтэһиини кытта сэргэ “Жизнь посвященная Родине” улуустааҕы патриотическай ааҕыылар ыытылыннылар.

Республиканскай күрэхтэһиигэ барыта 11 хамаанда: Уус Алдантан “Мүрү” ВПК Мүрү №1 орто оскуолата, Дьокуускай куораттан Сэбиэскэй Союз Героя Ф.К. Попов аатынан №20  орто оскуола уонна улууспут оскуолаларын ВПК хамаандалара: Майа В.П. Ларионов аатынан, Майа Ф.Г. Охлопков аатынан, Майатааҕы лицей, Аллараа Бэстээх М.Е. Попов аатынан, Аллараа Бэстээх №2 Г.Е. Артемьев аатынан, Павловскай орто, Наахара орто, Тумул орто оскуолалара итиэннэ Баатара кадеттара икки хамаанданан кытыннылар.

Уопсай түмүккэ кыайыылаахтарынан буоллулар:

1 миэстэ –Баатара орто оскуолатын ВПК «Кадет-1» хамаандата;

2 миэстэ – Мүрү орто оскуолатын ВПК «Мүрү” хамаандата;

3 миэстэ – Аллараа Бэстээх М.Е. Попов аатынан орто оскуолтын ВПК «Факел» хамаандата.

Патриотическай тэрээһин бэлиэ түгэнинэн Баатара орто оскуолатын выпускнига, СВО хонуутугар геройдуу охтубут Тастыгин Петр Николаевич аатынан Герой Партата арыллыыта буолла.

Республиканскай байыаннай-спортивнай оонньууларга бочуоттаах ыалдьыттарынан СВО ветераннара; Тарабукин В.Э. ийэтэ Людмила Петровна Тарабукина; Ф.К. Попов хаан-уруу аймаҕа Евдокия Семеновна Борисова кыттыыны ыллылар, үүнэр көлүөнэҕэ кэс тыллары эттилэр. Күрэхтэһии долгутуулаах түгэнинэн хамаанданан уонна биирдиилээн көрүҥнэргэ кыайыылаахтарга анал байыаннай дьайыы хонуутугар тыынарын толук уурбут буойуттар дьиэ кэргэттэрэ анал бириистэри уонна номинациялары туттарыылара буолла.