Алтынньы ый 8-10 күннэригэр Дьокуускай куоракка биирдиилээн кыайыы иһин “Өбүгэ оонньуулара” Республиканскай фестиваль 22 төгүлүн ыытылынна.

Мэҥэ-Хаҥалас улууһун 9-10 кылаастарга Павловскай оскуолатыттан Новгородов Владимир, Бэдьимэ оскуолатыттан Сергеева Лера, 11 кылаастарга Павловскай оскуолатыттан Пак Геннадий уонна Балыктаах оскуолатыттан Стручкова Надежда көмүскээтилэр.

Барыта 11 улуустан уонна Дьокуускай куораттан 37 республика дэгиттэр оҕолоро кэлэн кытыннылар. Уолаттар түһүмэхтэринэн бэйэни билиһиннэрии, “Үс төгүл үс”, “Тутум эргиир”, “Хапсаҕай”, “ Мас тардыһыы” көрүҥнэригэр кииристилэр, кыргыттар бэйэни билиһиннэрии, “Сахалыы биэстэ ыстаныы”, “Тутум эргиир”, “Хабылык хаамыска”, “кириэс тэбиитэ” көрүҥнэригэр күрэхтэстилэр.

Түмүккэ Стручкова Надежда 24 очколаах 5 миэстэ, Пак Геннадий 37 очколаах 9 миэстэ, Новгородов Владимир 26 очколаах 5 миэстэ, Сергеева Лера 15 очколаах 3 миэстэ буоллулар.

Биирдиилээн көрүҥнэргэ Новгорордов Владимир хапсаҕайга 1 миэстэ, тутум эргииргэ 3 миэстэ, Стручкова Надежда осутуол оонньууларыгар 1 миэстэ, Пак Геннадий тутум эргииргэ 3 миэстэ, Сергеева Лера бэйэни билиһиннэриигэ 1 миэстэ , остуол оонньууларыгар 1 миэстэ, тутум эргииргэ 3 миэстэ, ыстаныыга 3 миэстэ.