Бүгүн, тохсунньу 24 күнүгэр, видеоконференция нөҥүө Өрөспүүбүлүкэтээҕи Н.Е. Мординов – Амма Аччыгыйа аатынан «Кэскил» оҕо бэчээтин кыһата билсиһии чэрчитинэн улууспут оскуолаларын иһитиннэрэр-сырдатар салааҕа эппиэтинэстээх педагогтарын, оҕолорун, дириэктэри иитэр үлэҕэ сүбэһиттэрин, оҕо тэрилтэтин салайааччыларын кытта көрсүһүү оҥордо.
Көрсүһүүбүтүгэр Жиркова Татьяна Ильинична, «Кэскил» оҕо бэчээтин кыһатын редактора, Алексеева Таисия Ивановна, “Кэскил” хаһыат салаатын салайааччыта, суруналыыс, Леонтьева Жанна Владимировна, суруналыыс, “Кэскил” хаһыат обозревателэ, Павлова Ульяна Анатольевна, “Кэскил” оҕо бэчээтин кыһатын сыыппара салаатын салайааччыта кыттыыны ыллылар.
Бу күн улууспут оҕолоругар туһааннаах оҕо бэчээтин кыһатын туһанан ааҕар, суруйар дьоҕуру, сатабылы, ситимнээх саҥаны сайыннарар сыаллаах дьоһун тэрээһин буолан ааста.
Свинобоева Сайыына Николаевна, "Кэрэли" эбии үөрэхтээһин киин педагог-организатора
#Кэскиллиинкэскиллээхолоххо_бэлэмбуол
#Кэскил_хаьыат
#Чуораанчык
#Колокольчик
#Юность_Севера



|