Тохсунньу 26 күнүгэр, Ил Түмэн өрөгөйдөөх саалатыгар, Российскай Федерация уонна Саха Республикатын билимнэрин үтүөлээх деятелин, тыа хаһаайыстыбатын билимин дуоктарын, профессоры, Саха Республикатын билимин академиятын академигын, билимҥэ уонна техникаҕа государственнай премия лауреатын, учууталлар учууталларын, республикаҕа агро оскуолалары төрүттээччини, Россия суруйааччыларын союһун чилиэнин, "Доҕордоһуу" уордьан, "Үлэҕэ килбиэнин" иһин мэтээл хаһаайынын, Мэҥэ-Хаҥалас оройуонун, Мэлдьэхси нэһилиэгин бочуоттаах олохтооҕун, Мэлдьэхси орто оскуолатын аатын сүгэр Афанасий Васильевич Чугунов 80 сааһын үөрүүлээхтик бэлиэтиир чиэстээһин буолан ааста. Манна Ил Түмэн депутата Жирков А.Н., агросоюз салайааччылара, Саха сирин агро хайысхалаах оскуолаларын директордара, Тыа хаһаайыстыбатын академиятын үлэһиттэрэ уо.д.а кыттыыны ыллылар, эҕэрдэлэрин тириэртилэр. Мэҥэ Хаҥалас улууһун делегациятыттан, тыа хаһаайыстыбатын управлениетын начальнига Аргунов И.Д., Мэҥэ Хаҥалас улууһун үөрэҕин управлениетын начальнига Черкашина И.В., А.В. Чугунов аатынар Мэлдьэхси орто оскуолатын директора Сыромятникова Л.Д. уонна Мэҥэ-Хаҥалас агрохайысхалаах оскуолаларын директордара эҕэрдэлэрин эттилэр.