Ытыктабыллаах кэллиэгэлэр!

Үөрэҕирии тиһигэр үлэлии сылдьар эр дьоннору Аҕа дойдуну көмүскээччилэр күннэринэн итиитик-истиҥник эҕэрдэлиибин!

Дьиэ-кэргэҥҥэ, тэрилтэҕэ, уопсастыбаҕа, дойдуга халыҥ хахха, суон дурда буолар аналгытын чиэстээхтик сүгэргитинэн киэн туттабыт, эһиэхэ эрэнэбит. Эһиги баар буоллаххытына  олохпут  туруктаах, нус-бараан, халлааммыт чаҕылхай күннээх, тулалыыр эйгэбит эйэлээх!

Барыгытыгар чэгиэн-чэбдик туругу, энчирээбэт эрчими, булгуруйбат модун санааны баҕарабын. Чугас дьоҥҥут этэннэ буоллуннар, үлэҕит-хамнаскыт ситиһиилэннин, иннигит диэки эрэллээхтик хардыылаан иһин!

Улуустааҕы үөрэҕирии салалтатын начальнига

Н.Л. Никифоров