64-с В.К.Степанов аатынан култуура уонна успуорт эстэпиэтэтэ “Кыайыы кынаттанан өрөгөйдүү туруоҕуҥ!” диэн дэбиистээх олунньу 14 күнүттэн саҕалаан баран иһэр.

Мэҥэ–Хаҥалас улууһун биир кэлим иитии концепцията 2019 сыл тохсунньу ыйыттан олоххо киирэн иитии ис хоһооно саҥа үрдэлгэ тахсан, оҕо киһи быһыытынан төрүт үгэһи, култуураны утумнаан,  киэҥ ис хоһоонноох, кэскиллээх үлэ саҕаланна.

Бу концепция олоххо киириитин биир сүрүн тосхолунан үгэскэ кубулуйбут «В.К. Степанов аатынан Култуура уонна спорт эстафетата» бэстибээлигэр оскуола оҕотун кытыннарыыны киллэрии буолар. Бу хамсааһын утумнаахтык баран оҕо нэһилиэк сарсыҥҥыта буоларын өйдөөн үлэлии-хамныы сылдьар чаҕылхай талааннаах дьонноругар тирэҕирэн сиэр-майгы үтүө өрүттэрин иҥэриниэ, утумнуу улаатыа.

Оҕолор улуус уонна нэһилиэк Өрөгөй ырыаларын толорууларыгар, уус-уран быыстапкаҕа, хомуска оонньооһуҥҥа, оһуохайга уонна алта көрүҥүнэн (хабылык, хаамыска, тутум эргиир, ойбонтон уулааһын, кириэс тэбиитэ, кырынаастааһын, биэс төгүл куобах) саха төрүт спортивнай оонньууларыгар илин кэлин түһүстүлэр.

Дьүүллүүр сүбэ састаабыгар үөрэҕирии эйгэтиттэн I-кы бөлөххө - Билюкина Марианна Юрьевна, “Кэрэли” оҕону эбии үөрэхтээһин киинин салайааччыта, II-с бөлөххө - Бугаев Николай Николаевич, үөрэҕирии салалтатын иитэр үлэ уонна эбии үөрэхтээһин отделын кылаабынай специалиһа, III-с бөлөххө - Гоголева Саргылана Алексеевна, үөрэҕирии салалтатын иитэр үлэ уонна эбии үөрэхтээһин отделын кылаабынай специалиһа.

Үгэс быһыытынан хас биирдии көрүҥнэринэн түмүктэри таһаарыы буолла. Күннэринэн, бөлөхтөрүнэн уопсай протоколлар:

Олунньу 14 күнэ

Олунньу 16 күнэ

Олунньу 18 күнэ

Олунньу 20 күнэ

Олунньу 24 күнэ