Муус устар 29-30 күннэригэр “Манчаары оҕолоро” комплекснай спартакиада иһинэн “Президент күрэхтэһиилэрэ” 5 кылаас оҕолоругар улуус түһүмэҕин күрэхтэһиитэ буолан ааста.

7 хамаандаттан 45 оҕо кэлэн кытынна, Төҥүлү, В.П. Ларионов аатынан Майа, Табаҕа, Тыыллыма, Тумул, Төхтүр, Майа лиссиэйин оҕолоро хамаадаҕа 3 уол 3 кыыс састааптаах түөрт түһүмэҕинэн күрэхтэстилэр, ол курдук хамсаныылаах оонньуулар, многоборье, чэпчэки атлетика, теория көрүҥнэргэ кииристилэр.

Икки күннээх күрэххэ кыайыылааҕынан А.С. Шахурдин аатынан Төҥүлү оскуолатын хамаандата таҕыста, хамаандаҕа Кычкин Радомир, Стручков Айтал, Калачев Максим, Устинова Айаана, Заровняева Дайаана, Григорьева Милена бааллар. Иккискэ Старков Марат, Игнатьев Андрей, Федоров Эрчим, Слепцова Алина, Яковлева Рита Чичахова Айыллаана И.Г. Тимофеев аатынан Майа лиссиэйин үөрэнээччилэрэ буоллулар, үһүс миэстэни И.М. Романов аатынан Төхтүр оскуолатын үөрэнээччилэрэ Копырин Айысхан, Романов Коля, Яковлев Коля, Яковлева Нелли, Иванова Сандаара, Максимова Карина ыллылар.

Кыайыылаах Төҥүлү оскуолатын хамаандата аны сайын бэс ыйыгар улуус чиэһин көмүскүү республика түһүмэҕигэр кыттыыны ылыаҕа, оҕолорго кыайыыны-хотууну баҕарабыт!

КҮРЭХТЭҺИИ ПРОТОКОЛА