Муус устар 24 күнүгэр Майатааҕы "Сардаана" үһүйааҥҥа Попова Саргылана Александровна физкультурнай салайаачы, Шестакова Туяра Андреевна педагог-психолог уонна сүрүннүүр иитээччи Романова Татьяна Ивановна "25 сыл биир санаанан" диэн айар үлэлэрин отчуотун улуус оҕо садтарын үлэһиттэригэр анаан бэрт тэрээһиннээхтик биир ситиминэн ыыттылар.

Күн бастакы аҥарыгар улахан уонна бэлэмнэнии бөлөххө эти-сиини сайыннарыы, доруобуйатынан хааччахтаах оҕолорго уйулҕа дьарыктара, иитээччилэргэ аналлаах практикум ыытылыннылар. Күн иккис аҥарыгар “Улаатабын, оонньуубун сайдабын”, «Мин Айыы оҕотобун» маастар кылаастар, «Айымньылаах иитээччи» педсовет ураты методическэй ньыманан тэриллэн дьон сэҥээриитин ыллылар.

Бүгүҥҥү тэрээһини кэлэктиип иһинэн үлэлиир «Дьүрүһүй” хомус ансаамбыла, үҥкүү бөлөҕө киэргэттилэр. Барыта 37 кэлбит ыалдьыт, элбэҕи билэн, бэйэлэригэр саҥаны сонуну арыйан истиҥник кэпсэтэн, астынан, салгыы ситиһиилээх үлэлииргэ баҕа санааларын этэн тарҕастылар.