Балаҕан ыйын 21 күнүгэр историческай наука кандидата, профессор И.М. Романов аатынан Төхтүр орто оскуолатын саха тылын уонна литэрэтиирэтин учуутала, Саха Өрөспүүбүлүкэтин үөрэҕириитин туйгуна, Саха Азия оҕолоро норуоттар икки ардыларынааҕы пуонда стипендиата, Арассыыйа Бэдэрээссийэтин суруналыыстарын Сойуустарын чилиэнэ, Саха АССР успуордун маастара, “Гражданскай килбиэн” бэлиэ хаһаайына, “Мэҥэ Хаҥалас улууһун бочуоттаах гражданина” - В.В. Скрябин – Идэлги төрөөбүтэ 75 сылыгар аналлаах тэрээһин буолла.
Күндү ыалдьыттарынан буоллулар:
- Попов Сэмэн Андреевич – Тумат - Арассыыйа суруйааччыларын Сойуустарын чилиэнэ; поэт, прозаик, суруйааччы, тылбаасчыт, литэрэтииринэй ырытааччы, Саха Өрөспүүбүлүкэтин норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, Чурапы улууһун бочуоттаах олохтооҕо.
- Осипов И.И. – Ойуур Уйбаан – Саха суруйааччыларын сойууһун чилиэнэ, СӨ култууратын уонна Бэчээтин туйгуна.
- Владимирова Августина Семеновна – СӨ үөрэҕириитин туйгуна, суруйааччы, суруналыыс, Мэҥэ Хаҥалас улууһун “Таммахтар” литэрэтииринэй холбоһук салайааччыта.
- В.Скрябин төрөөбүт дойдутуттан - Хорообут нэһилиэгиттэн дэлэгээссийэ.
“Учуутал, суруйааччы, кыраайы үөрэтээччи, успуорт маастара – В.В.Скрябин-Идэлги» диэн дакылааты 9 кылаас үөрэнээччитэ Ялланов Уйгулаан оҥордо.
Тэрээһиҥҥэ Нина Николаевна уонна оҕолоро, сиэннэрэ күндү аҕаларын, эһэлэрин аатын үйэтитээри илии тутуурдаах, өттүк харалаах кэллилэр. Ол курдук 6 үөрэнээччигэ: Мохначевскай Данилга; 4 кыл. үөрэнээччитигэр Бурнашева Ираҕа, 8 кыл. үөрэнээччитигэр Яковлев Эдикка, 9 кыл. үөрэнээччитигэр Петрова Уйгулаанаҕа, 10 кыл. үөрэнээччитигэр Верховцев Айаҥҥа, 11 кыл. үөрэнээччитигэр Максимова Аинаҕа үчүгэй үөрэхтэрин, кыраайы үөрэтиигэ ситиһиилэрин иһин уонна успуорка ситиһиилэрин иһин 5000–лаах истипиэндьийэлэр туттарылыннылар.
Василий Васильевич уола Максим Васильевич уонна кини дьиэ кэргэнэ оскуолаҕа 10000 харчынан көмөлөстүлэр.
Бэйиэт үгүс хоһоонноро ырыа буолан ылланаллар. Ол курдук, олохтоох мелодист Тамерлан Романович Иванов - Идэлги хоһоонноругар элбэх ырыаны айбыта.
Оскуола кэлэктиибэ “Ахтар – саныыр оскуолам” диэн ырыаны ыллаан иһитиннэрдилэр. Хорообут мэлэдииһэ Федор Сергучев Идэлги тылларыгар икки ырыаны ыллаата.
Оҕо ускуустубатын иитиллээччилэрэ ыллаан – туойан, үҥкүүлээн, хомуска оонньоон тэрээһини киэргэттилэр.
Тэрээһин биир тыынынан үрдүк таһымҥа ыытыллыбытын ыалдьыттар бэлиэтээтилэр.
Бэйиэт, суруйааччы, кыраайы үөрэтээччи, успуорду өрө тутааччы Б.Б.Скрябин – Идэлги бу курдук хоһуйбут хоһоонунуу олох устун үлэҕэ үгүһү билэргэ, үрдээн – үүнэн иһэргэ дьулуһуоҕуҥ!
Тарабукина Д.Е., Төхтүр орто оскуолатын учуутала.
|