Муус устар 14 күнүгэр эбии үөрэхтээһин киинигэр «Уол оҕо - норуот кэскилэ» күрэх буолан ааста. Күрэх эбии үөрэхтээһин социально-педагогическай, туристко-краеведческай хайысхалаах куруһуоктарга аналлаах бастакы төгүлүн ыытылынна. Уопсайа 5 хамаанда, хамаандаҕа 5-тии уол кытынна. Эбии үөрэхтээһин Баатаратааҕы, Хорообуттааҕы, Быраматааҕы, Табаҕатааҕы, Хаптаҕайдааҕы филиаллара кыттыыны ыллылар.

Дьүүллүүр сүбэҕэ: Попова Т.С. - үөрэх управлениетын методическай отделын салайааччыта, Семенов Н.М. - үөрэх управлениетын иитии отделын патриотическай хайысхаҕа специалиһэ, Аргунова С.А. - эбии үөрэхтээһин киин директора, Дорҕоон Дохсун - В.П.Ларионов аатынан Майа орто оскуолатын учуутала, Баишева Е.С. - эбии үөрэхтээһин киин методиһа, Эверстов В.С. - Ф.Г.Охлопков аатынан Майа орто оскуолатын учуутала.

Түһүмэхтэрэ:

1.         Блиц- опрос

2.         «Сонордьут» (боппуруостарга эппиэттээһин)

3.         «Охота и рыбалка» Брэйн-ринг

4.         «Т.О.К.» Толкуйдаа. Оонньоо. Кыай. (Мэҥэ-Хаҥалас улууһун атлаһынан ыйытыктар)

5.         «Киимтэн кииннээх, хантан хааннаах» Мэҥэ-Хаҥалас улууһун биллиилээх дьоннорун тустарынан ыйытыктар.

Түмүккэ, дипломунан «Үрдэл» хамаанда (Баатара, сал. Борисов А.А.), «Айан» хамаанда (Хорообут, сал. Игнатьев А.Е.) бэлиэтэннилэр.

Үһүс миэстэҕэ «Холгума хоһууттара» (Бырама, сал. Нестерова Л.В.), иккискэ «Уол Табаҕалар» (Табаҕа, сал. Иванов А.Н.) тигистилэр.

Итиэннэ кыайыылааҕынан «Уолан» хамаанда (Хаптаҕай, сал. Парфенов Н.Т.) буолла. Бары кыттааччы уолаттарга туоһу суруктар, мэтээллэр туттарылыннылар. 

«Уол оҕо - норуот кэскилэ» күрэх төгүрүк остуолунан, санаа атастаһыытынан түмүктэннэ. 

Надежда Федорова