Ыам ыйын 26-29 күннэригэр былаан быһыытынан сылын аайы Мэңэ-Хаңалас улууһун онус кылааһын уолаттарыгар военно-полевой сбор Улуус Баһылыгын уурааҕар олоҕуран ыытыллар. Биһи киэн туттар киһибит Саха сиригэр Аҕа дойду Улуу сэриитигэр бастакынан Советскай Союз Геройа буолбут Федор Кузьмич Попов төрөөбүт сиригэр Баатара нэһилиэгэр кини аатынан оскуола базатыгаар ыытабыт. Быйыл 19 оскуолаттан 86 оҕо кэлэн үөрэх программатынан полевой сборга кытынна. үөрэх управлениятын бирикээһинэн анаммыт Аллараа Бэстээх иккис нүөмэрдээх оскуолатын ОБЖ учуутала, запас капитана Нестеров А.А. полевой сбор начальнигынан ананан хаһыс да сылын үлэлиир. Начальник солбуйааччытынан запас старшай лейтенана, интернациональнай буойун Ороссолуода ОБЖ учуутала Филиппов П.М. үлэлээтилэр.
Оҕолору барыларын тус-туспа роталарга, взводтарга арааран занятиялары ыыттылар. Оҕолор, учууталлар бары арочнай спортзалга аҕалбыт раскладушкаларыгар, спортивнай мааттарга роталарынан, взодтарынан түстүлэр. Внутреннай, караульнай нарядтар оҕолор кэлиэхтэриттэн толору суукканан үлэлээтилэр. Дежурнай учууталынан, запас старшай лейтенана Зыков П.И. Хаптаҕай орто оскуолатын ОБЖ учуутала үлэлээтэ. Караульнай служба үс поһунан барда. Пост №1 - Ф.К. Попов памятнига, мемориальнай дуоска, пост №2 – сытар расположения тула уонна үһүс пост полевой сбор штабын тула. Караульнай службаҕа анаммыт оҕолор постарын эрэллээхтик харабыллаатылар. Внутреннай нарядка киирбит оҕолор казармаҕа дневальнайдаатылар, казарма иһин - таһын ырааһын көрдүлэр. Остолобуой нарядтара сарсыардаттан отбойга дылы повардарга көмөлөстүлэр. Нарядка түбэспэтэхтэр хас күн аайы занятияларга сырыттылар.
Занятиялары анаммыт учууталлар ыыттылар, ол курдук тактическай подготовкаҕа, военнай уставка, радиосвязька, автомат ыһыыта хомуйуута, противорадиационнай көстүүмнэри кэтии устуу, ориентированияҕа. Онно отделенияларынан иккилии чаас буола-буола, занятияттан занятияҕа көһөн үөрэннилэр. Ардаахтаах буолан занятиялар дьиэ иһигэр бардылар. Киэһээ өттүгэр спортивнай күрэхтэһиилэр роталарынан ыытылыннылар, кыайыылаахтар грамоталарынан наҕараадаланнылар. Ыам ыйын 28 күнүгэр киэһээ роталарынан концерт күрэҕэр кытыннылар. Оҕолор ылсан бэлэмнэммиттэрэ көстөр. Арыый ордуктара 1 рота буолан таҕыста.
Военно-полевой сбор спортивнай күрэхтэһиилэрин протокола. с.Сымах.
Рота
|
Поднимание туловищи
|
Прыжок с места
|
Метание гранаты
|
Разборка и сборка АКМ
|
Кросс 1000м
|
Подтягивание
|
концерт
|
Стенгазета
|
Сумма балов
|
Место
|
1 рота
|
2
|
1
|
2
|
1
|
3
|
2
|
1
|
2
|
14
|
1
|
2 рота
|
1
|
3
|
3
|
2
|
2
|
1
|
2
|
1
|
15
|
2
|
3 рота
|
3
|
2
|
1
|
3
|
1
|
3
|
3
|
3
|
19
|
3
|
Зам.начальника военно-полевого сбора по ФП, Иванов СИ
|