Кулун тутар 5 кγнγгэр Ф.Г.Охлопков аатынан Майа орто оскуолатыгар улуустааҕы «Мэҥэ Уолан-2015» уонна «Мэҥэ Куо-2015» куонкурустар буолан аастылар. Тэрээhини улуус γɵрэҕин управлениета, оҕону эбии γɵрэхтээhин киинэ тэрийиилэринэн, оскуола кɵмɵтγнэн ыытылынна. Быйылгы куонкурус Улуу Кыайыы 70, Россияҕа Литература, Саха сиригэр Предпринимательство уонна Мэҥэ-Хаҥалас улууhа тɵрγттэммитэ 85 сылларыгар ананан ыытылынна.

Кγрэххэ уопсайа тоҕус кыттааччы ол иhигэр алта кэрэ куо уонна γс γрγҥ уолан кэлэн кγɵн кɵрсɵн, илин-кэлин тγсγhэн «Мэҥэ Уолан-2015» уонна «Мэҥэ Куо-2015» γрдγк ааттары былдьастылар. Кγрэх дьγγллγγр сγбэтин бэрэссэдээтэлинэн улуус γɵрэҕин управлениетын специалиhа И.М.Березкин, сγбэ састаабыгар улуустааҕы культура уонна духуобунай сайдыы управлениетын специалиhа С.П.Кириллина, СР культуратын туйгуна, «Туймаада» вокальнай ансаамбыл солистката А.Н.Пинигина уонна улуустааҕы дьиэ кэргэн уонна ыччат политикатын кылаабынай специалиhа З.Г.Сергучева киирэн γлэлээтилэр.

Куонкурус балаhыанньа быhыытынан уопсайа 6 тγhγмэҕинэн барда. Маҥнай кыттааччылар бэйэлэрин билиhиннэрдилэр. Салгыы конкурсаннар талааннарын кɵрдɵрдγлэр, «Тыа сирин сайдыытыгар ыччат оруола» темаҕа дакылаат кɵмγскээтилэр, уолаттар «тутум эргииргэ», кыргыттар «уhун суhуохха» кγɵн кɵрγстγлэр, викторина-тест толордулар, «Мэҥэ-Хаҥаластан тахсыбыт саха саарыннарын уонна далбар хотуттарын ааттарын γйэтитэ» темаҕа бэлэмнэнэн кэлбит дакылааттарын дьγγллγр сγбэ иннигэр иhитиннэрдилэр. Тγмγк тγhγмэх киэhээҥҥи балыччыйаны кɵрγγнэн тγмγктэннэ. Тэрээhин Ф.Г.Охлопков аатынан Майа орто оскуолатын γɵрэнээччилэрэ уонна оҕону эбии γɵрэхтээhин кииҥҥэ уhуйуллар оҕолор музыкальнай нγɵмэрдэринэн киэргэтилиннэ.

Долгутуулаах кыайыылаахтары быhаарар тγгэн γγннэ. Улуустааҕы «Мэҥэ Уолан-2015» уонна «Мэҥэ Куо-2015» γрдγк ааттары Бγтэйдээх орто оскуолатын γɵрэнээччилэрэ Коля Тастыгин уонна Сардаана Борисова сγктγлэр.

Тэрээhиҥҥэ кγγс-кɵмɵ буолбут, бириис туруорбут тэрилтэлэргэ, урбаанньыттарга барҕа махталбытын тириэрдэбит.

Зоя ГЕРАСИМОВА. Оҕону эбии γɵрэхтээhин киин педагог-организатора.