|Регистрация|Вход| Приветствую Вас Гость |RSS
РАЗДЕЛЫ
ДЛЯ ПЕДАГОГОВ
ДЛЯ ШКОЛЬНИКОВ
ОБЩЕСТВЕННЫЕ ОБЪЕДИНЕНИЯ
ГОРЯЧАЯ ЛИНИЯ
ТЕСТЫ
ФОРУМЫ
АРХИВ САЙТА
ПОИСК
Главная » 2019 » Март » 18 » Улуустааҕы “Мэҥэ Куо-2019”, “Мэҥэ Уолан-2019” күрэхтэр түмүктэрэ
16:05
Улуустааҕы “Мэҥэ Куо-2019”, “Мэҥэ Уолан-2019” күрэхтэр түмүктэрэ

2019 с. кулун тутар 16 күнүгэр Ф.Г.Охлопков аатынан Майа орто оскуолатыгар үгэскэ кубулуйбут улуустааҕы “Мэҥэ Куо-2019”, “Мэҥэ Уолан-2019” күрэх буолан ааста.

Быйылгы күрэххэ улууспут 6 муниципальнай тэриллии холбоһугуттан 4 кыыс, 5 уол оҕо кэлэн күрэс былдьаста, күөн көрүстэ. Олор истэригэр, И.Г. Тимофеев аатынан Майа лиссиэйиттэн Саша Яковлева, Ф.Г.Охлопков аатынан Майа орто оскуолатыттан Диана Романова, Хара орто оскуолатыттан Уйгу Поисеева, Аллараа Бестээх 2-дээх орто оскуолатыттан Сайыына Ноговицына. Уолаттарга В.П.Ларионов аатынан Майа орто оскуолатыттан Дьулусхан Тихонов, Балыктаах орто оскуолатыттан Семен Птицын, С.З.Борисов аатынан Тыыллыма орто оскуолатыттан Слава Прокопьев, Ороссолуода орто оскуолатыттан АликТрофимов, Аллараа Бэстээх 2№-дээх орто оскуолатыттан Альберт Шарин кытыннылар.

Күрэх уопсайа 5 түһүмэҕинэн барда. Күн бастакы аҥарыгар кыттааччылар саха төрүт оонньууларын көҕүлүттэн туттулар. Ким сымсатын, сылбырҕатын тургутан көрдүлэр. Кыргыттар уонна уолаттар хабылык быраҕыытыгар, кириэс тэбиитигэр, көтөх ынаҕы туруорууга, ойбонтон уулааһыҥҥа илин-кэлин түһүстүлэр. Иккис түһүмэххэ сатыбылы сыаналаатылар. Уолаттар эр киһи быһыытынан сатабылларын көрдөрөн уһаннылар, кыргыттар сатабыллаах хаһаайка буолалларын туоһутунан алаадьы астаан, сандалы остуолу тэрийдилэр.

Күн иккис аҥарыгар кыттааччылар таҥара табатын курдук таҥнан, сир симэҕэ курдук симэнэн бэйэлэрин билиһиннэрдилэр. Талба талааннарын, дьоҕурдарын арыйан, булугас өйдөрүн тургуттулар, аһаҕастык бэйэлэрин санааларын этэллэрин дьүүллүүр сүбэ иннигэр иһитиннэрдилэр.

Күрэх түмүгүнэн быйылгы куонкурус муҥутуур кыайыылаахтарынан “Мэҥэ Куо-2019” үрдүк ааты Ф.Г.Охлопков аатынан Майа орто оскуолатын 10 кылааһын үөрэнээччитэ Диана Романова сүктэ. Диана аны 10 сылынан бэйэтин биллиилээх худуоһунньук буолуом диэн санаатын эппитэ. Онтон “Мэҥэ Уолан-2019”ааты ылбыт В.П. Ларионов аатынан Майа орто оскуолатын 10 кылааһын үөрэнээччитэ Дьулусхан 10 сылынан бэйэтин дьиэ кэргэннээх, дьиэлээх-уоттаах, массыыналаах, үлэлээх-хамнастаах. Төрөөбүт дойдутугар Мэҥэ-Хаҥалаһыгар үлэлиир, улууһун сайдарын туһугар үлэлиэм этэ диэн санаатын эппитэ. Уонна «Манчаары” ыспартакыйаадатыгар сахалыы многоборье көрүҥүн кыайыылааҕа буолуохпун баҕарабын диэн баҕа санаалааҕын иһитиннэрбитэ.

2019 сыл сомоҕолоьуу сылынан биллэриллэн, оҕо хамсааһыныгар улууспут тэрилтэлэрэ, Майа олохтоох дьаһалтата, уопсастыбаннай тэрилтэлэр успуонсардааннар, “Мэнэ Уолан” аатын ылбыт Дьулусхан Тихонов култуура управленията туруорбут саха быһаҕынан, үгэскэ кубулуйбут улуустааҕы эбии үөрэхтээһин педагога Евдокия Стручкова оҥорбут сахалыы курунан наҕараадаланна. “Мэнэ Куо” аатын сүкпүт Диана Романова Майатааҕы дьахтар сэбиэтэ туруорбут “Вилена” парикмахерскай сертификатынан уонна улуустааҕы эбии үөрэхтээһин педагога Евдокия Захарова онорбут экслюзивнай хоруонанан наҕараадаланна. Куонкурустарга кыттыбыттарга “Талбаана Куо”, “Мичийээнэ Куо”, “Сандаара Куо”, “Арылхаана Куо”, “Байанай Уолан”, “Өркөн Боотур”, “Толлуман Боотур”, “Добун Боотур” анал ааттар иҥэрилиннилэр.

Зоя Герасимова, "Кэрэли" оҕону эбии үөрэхтээһин киинэ.

Просмотров: 88
Служебный вход
Логин:
Пароль:
АНОНСЫ
  • В разделе ГИА размещены новые приказы
КАЛЕНДАРЬ
«  Март 2019  »
ПнВтСрЧтПтСбВс
    123
45678910
11121314151617
18192021222324
25262728293031

Президент России

Ил Дархан Республики Саха (Якутия)

МР Мегино-Кангаласский улус

Официальный сайт Басговру

Реском профсоюза РС(Я)

Горячая линия

WorldSkills Russia

СТАТИСТИКА

Онлайн всего: 1
Гостей: 1
Пользователей: 0
Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Официальный информационный портал ГИА  Всероссийское движение За честный ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Министерство Образования и Науки РФ  Федеральная служба по надзору в сфере образования и науки  Федеральный центр тестирования  Федеральный институт педагогических измерений  Единое окно доступа к образовательным ресурсам  Всероссийский Интернет-педсовет  ИД Первое сентября 
МКУ "Мегино-Кангаласское районное управление образования" © 2009