Сэтинньи 26 күнүгэр улуус оскуолаларын икки ардыларыгар группаларынан уолаттарга баскетбол күрэхтэһиитэ буолан ааста. 1 группа В.П.Ларионов аатынан Майа орто оскуолатыгар, уопсайа 9 оскуола, 68 кыттааччы кэлэн интэриэһинэй оонньуулары көрдөрдүлэр. Оскуолалар физкультураҕа учууталлара ирдэбилинэн сөптөөхтүк судьуйалаан, оонньуулар үчүгэйдик аастылар. Уопсай түмүккэ 1 миэстэ В.П.Ларионов аатынан Майа орто оскуолата, 2 миэстэ Майа лицейэ, 3 миэстэ Төхтүр орто оскуолалара ылары ситистилэр.
Ити күн Хорообут оскуолатыгар 2-с группа оскуолалара 9 хамаанда уопсайа 63 кыттааччы кэлэн баскетболга күрэхтэстилэр. 1 миэстэ Дьабыл оскуолата, 2 миэстэ Хорообут оскуолата, 3 миэстэ Тумул оскуолата ылары ситистилэр. Салҕыы кыргыттарга баскетбол күрэхтэһиитин былаанныыбыт.
|