Олунньу 21 кγнγгэр оскуолалар икки ардыларыгар Кыайыы 70 сылыгар аналлаах «Смотр строя и песни» конкурс буолан ааста. Барыта 27 оскуола кытынна. Оскуолалар кыhаллан бэлэмнэнэн кэлбиттэрэ кɵстɵр. Оҕолор бары военнай формалаах тэбис тэҥҥэ хааман киирэллэрэ, стройдаан иhэн ыллыыллара, кγрэхтэhии тыҥааhынын γрдэттэ. Оскуолалар кэлээт да регистрациаланаат хаманднай жеребьевкаларын тартылар уонна эрдэ бэриллибит заданияларын поисковай γлэлэрин республиканскай конкурс «Святые Матери Победы» альбомнарын комиссияҕа туттардылар. Альбомнары выставка оҥорон кэлбит дьон кɵрдγлэр. Ыҥырыылаах ыалдьыттарбыт Мархатааҕы кадетскай школа-интернат оҕолоро сэрии сэбин автоматтары, пулеметтары, пистолеттары ууран выставка тартылар. Элбэх оҕо, кɵрɵɵччγ сэҥээриитин ылла. Салайааччы старшай лейтенант, взвод командира Никифоров Фадей Иванович.
Кγрэхтэhии жюритынан γлэлээтэилэр Шестаков И.И., Захаров К.А., Максимова М.М., Петров А.Д., Карамзин Н.Д., Никифоров Ф.И., Стручков Д.М., Черкашина Н.Ф. Парады хамаандалаан киллэрдэ Аллараа Бэстээх иккис нγɵмэрдээх оскуола учуутала Нестеров А.А. Мархатааҕы кадетскай школа-интернат оҕолоро штыктаах саалаах киирэн упражнениялары оҥордулар. Кадет Евгений Оленов ырыа эҕэрдэтин тиэртэ. Парадка сэриигэ кыайбыт саллааттарга анаан кэриэстэбил мγнγγтэтэ биллэрилиннэ. Кыайыы знамятын почетнай караул строй иннинэн киллэрдэ. Оҕолор Россия Гимнын уонна Саха сирин Гимнын толордулар.
Параадтаан тахсалларыгар кγрэхтэhии оҕолор строевой хаамыыларынан саҕаланна. Онтон ырыалаах хаамыы кγрэҕэ буолла. Жюрилар оҕолору болҕойон олорон сыаналаатылар.
Полевой кухня тэриллэн босхо армейскай хааhыны оҕолор, кыттааччылар тото сиэтилэр. Дьэ онтон Кадетскай баалбыт саҕаланна. Баатараатаҕы кадетскай кылаастар 19 пара Кыталык ансаамбыл кыргыттарын кытта балы аста.
Балга оскуолалар иккилии паралара кыттан γс γҥкγγнγ толордулар. Жюри иилиммит нγɵмэрдэринэн кɵрɵн оҕолор γҥкγγлэрин сыаналаата. Кγрэх тγмγгγнэн парад иннигэр кыайыылаахтары жюри председателя Шестаков И.И. бириистэри, номинациялары туттарда. Кыайыыга дьулуурун иhин номинациянан Аллараа Бэстээх иккис нγɵмэрдээх оскуолата наҕараадаланна, ырыаны хааман иhэн толорууга номинацияны Балыктаах оскуолата ылла, саамай кɵхтɵɵх хамаанданан ааттанна Майатааҕы бастакы нγɵмэрдээх оскуола, 3 миэстэҕэ таҕыста Наахара орто оскуолата, 2 миэстэҕэ таҕыста Майатааҕы лицей хамаандата, уонна кыайыылааҕынан ааттанна Баатаратааҕы Ф.К. Попов аатынан оскуола. Кыайыылаах хаамандалар мэтээлинэн, грамоталарынан, кубоктарынан, тэрилтэлэр сертификаттарынан наҕараадаланнылар. Хамаандалар кγрэхтэhиини торжественнай парадынан тγмγктээтилэр.
|