Бэс ыйын бастакы күнүгэр оскуолалар икки ардыларыгар улуус Главатын XIV төгүлүн ыытыллар сүүрүүгэ эстафетата буолан ааста. Манна бастакы этапка бастакы кылаастан кыыс оҕо сүүрүүнү 100 миэтэрэттэн саҕалаата. Иккис этапка иккис кылаас уол оҕото 150 миэтэрэҕэ сүүрэн, үһүс кылаас кыыһыгар туттарар. Итинник салҕыы кылаастарынан кыыс-уол диэн сүүрдүлэр. Бүтэһик этапка дылы Майатааҕы В.П. Ларионов аатынан орто оскуола сүүрүктэрэ кыахтаахтык бастаан испиттэрэ. Бүтэһик этапка 500 миэтэрэҕэ Майа лицейын 10 кылааһын үөрэнээччитэ, улуус оҕолорго сборнай хамаандатын чилиэнэ Пермяков Афоня сүүс миэтэрэ хаалан иһэн сититэлээн, Майа лицейын бастакы миэстэҕэ таһаарда.

Уопсайа 9 оскуола сүүрбүтүттэн бастакы миэстэни Майатааҕы лицей ылла, директор Харитонов С.А., физкультура учууталлара Петров П.О., Хабаров Г.П. Иккис бириистээх миэстэҕэ Майатааҕы академик В.П. Ларионов аатынан орто оскуола таҕыста, директор Игнатьева С.К., физкультура учууталлара Брызгалов Д.Н., Прохоров И.И., Герасимов Н.Г. Үһүс бириистээх миэстэҕэ Майатааҕы Ф.Г. Охлопков аатынан орто оскуола таҕыста, директор Птицына М.П., физкультура учууталлара Бурнашев М.Д., Баишев Е.З., Пестерев А.Н. Урукку өттүгэр улуус кыайыылаах хамаандата, Саха сирин президенын Кубогар иккис миэстэлээх Төхтүр орто оскуолата, Төҥүлүлэр кэннилэриттэн бэһис миэстэнэн дуоһуйдулар.

Кыайыылаахтар мэтээлинэн, грамотанан, уонна 5 тыһынчалаах сертификатынан наҕараадаланнылар. Аны күһүн балаҕан ыйыгар Ил Дархан кубогар Майаатааҕы лицей оҕолоро киирэн улуус чиэһин көмүскүөхтэрэ.