Аҕа дойду сэриитэ ааспыта төһө да ырааппытын иһин, буолан ааспыт сэрии дорҕоонноро уонна кини ол түмүктэрэ бүтүн норуоттар дьылҕаларыгар күн бүгүҥҥэ диэри дьайыыта улаханын бары көрө-истэ сылдьабыт. Дойдубут үрдүнэн бары сиргэ ытыктанар, Улуу Кыайыы 78 сылын үрдүк таһымнаахтык, киэҥник бэлиэтээтибит. Быйылгы сыл уратыта Кыайыы күнүн араас ньыманан бэлиэтээтибит, ол курдук, нэһилиэктэргэ Парадтар тимир көлөлөрүнэн буолан аастылар, уһуйааҥҥа сылдьар оҕолор “Кыайыы түннүкэрэ” аахсыйаҕа кытыннылар, “Парад под окнами ветерана” аахсыйаҕа биир да ветераны умнубакка эҕэрдэлээтилэр.

Майатааҕы Иван Гаврильевич Тимофеев аатынан лиссиэй Улуу Кыайыы күнүн эмиэ көхтөөхтүк бэлиэтээтэ. Ол курдук, ыам ыйын 3 күнүттэн ыйам ыйын 10 күнүгэр диэри бүтүн Арассыыйатааҕы “Стена Памяти” аахсыйаҕа оскуола оҕолоро, учууталлара, бары үлэһиттэрэ Аҕа Дойду Улуу сэриитин дьиэ кэргэннэриттэн кыттыылаахтарын мөссүөннэрин өйдөбүнньүк истиэнэҕэ аҕалан кыттыстылар. Оскуолабыт медиатекатыгар (библиотекатыгар) улууспут, өрөспүүбүлүкэбит, бутун Арассыыйа араас омугун суруйааччыларын айымньыларын быыстапката маны тэҥэ Саха омугуттан маҥнайгынан Аҕа дойду сэриитигэр Советскай Союз геройун аатын сүкпүт Баатара эр бэрдэ Федор Кузьмич Поповка аналлаах быыстапкалара турдулар.

- Муус устар 27 күнүгэр, И.М. Сосин аатынан улуустааҕы киин библиотекаҕа Аан дойду таһымнаах “Диктант Победы” тэрээһиҥҥэ лиссиэй үрдүкү

- Үгэскэ кубулуйбут, сыллата ыытыллар “Георгиевскай лента” аахсыйаҕа оскуола оҕолоро уонна учууталлар бары биир киһи курдук кыттыыны ыллылар. Оҕо хамсааһынын кыттыылаахтара Люба Никитина, Брызгалов Толя, Лыткин Айал уонна Барабанова Маша георгиевскай лентаны оскуола оҕолоругар түҥэттилэр.

- “Содатский платок” аахсыйаҕа Ксенофонтов Максим 7 кылаас, Барабанова Маша, Лыткин Айал, Тимофеева Рая уонна Алеся 9 кылаас үөрэнээччилэрэ Эһээлэрин ааттарын, олохторун кэрчигин, байыаннай дуоһунастарын платокка вышивкалаан, араастаан киэргэтэн аҕалан быыстапканы киэргэттилэр.

- Кыра кылаастарга уонна 9 кылаас оҕолоругар анаан директоры иитэр үлэҕэ сүбэһиттэрэ Алена Рязанская уонна Павел Судико “Жить” диэн ааттаах Игорь Писоренко айымньытын Аҕа дойду сэриитигэр аналлаах патриотическай киинэтин көрүү сеанстарын ыыттылар.

- Ыам ыйын 6 күнүгэр оскуола иһинэн патриотическай ырыалар фестивалларыгар 5-8 уонна 10 кылаас коллективтара кыттыыны ыллылар.

- Ыам ыйын 9 күнүгэр - Улуу Кыайыы күнүгэр Майабытыгар ыытыллыбыт тэрээһиннэргэ лиссиэйбит оҕолоро көхтөөх кыттыыны ыллылар, ол курдук 13 чаастан Сэбиэскэй Союз дьоруойа Федор Кузьмич Попов пааматынньыгар сибэкки уонна венок ууруутун сиэригэр-туомугар 8 уонна 10 кылаас үөрэнэр уолаттар кыттыыны ыллылар. Өйдөбүнньүк веногу пааматынньыкка уурар үрдүк чиэскэ бүтүн Арассыыйатааҕы “Юнармия” байыаннай-патриотическай хамсааһын чилиэннэрэ бастыҥ үөрэхтээх уонна актыбыыс үөрэнээччилэр Пивоваров Павлик, Попов Айсен, Габышев Мичил, Шишигин Аскольд тигистилэр. Миитиҥҥэ “Мэҥэ-Хаҥалас улууһа” МТ баһылыгын солбуйааччыта Альбина Григорьева, “Майа сэлиэнньэтэ” тыа сирин түөлбэтин Баһылыга Алексей Неустроев, Ил Түмэн судаарыстыбыннай мунньах дьокутаата Андрей Находкин, Мэҥэ-Хаҥалас уонна Уус-Алдан байыаннай хамыһаара Айал Петров, улуус управленияларын начальниктара, олохтоохтор кыттыыны ыллылар. Салгыы, тэрээһиннэр Улуу Кыайыыга анаммыт монуменыгар ыытылыннылар, манна эҕэрдэ нүөмэрдээх лиссиэй 8 кылааһын кыргыттара уонна 10 кылаастар бары “День Победы” диэн ырыанан ыалдьыттары уонна Майа олохтоохторун эҕэрдэлээтилэр.

Улуу Кыайыы хайдахтаах курдук ыараханнык кэлбитин, ол кыайыы кэлиитигэр биһиги норуоппут кылаатын, ыар сүтүктэрин, ситиһиилэрин, история чахчыларын кэнчээри ыччакка тириэдэр, өйдөрүгэр санааларыгар иҥэрэр биһиги ытык иэспит буолар.

Улуу кыайыыны уһансыбыт ветераннарга, тыыл үлэһиттэригэр, сэрии сылларын оҕолоругар Албан Аат! Ким да умнуллубат, туох да умнуллубат!