Олунньу 10 күнүгэр В.П. Ларионов аатынан республикатааҕы “Инникигэ хардыы” научнай-практическай конференция төрүттэмитэ 25 сылыгар уонна Майа лицейигэр наука уонна технология сыла саҕаланыытыгар аналлаах “Удьуорбар саҥа суолу тэлэн” диэн видео-конференция үрдүк тэрээһиннээхтик ыытылынна. Бу күн Мэҥэ-Хаҥалас улууһа төруттэммитэ 91 сыла, сахалартан бастакы академик В.П. Ларионов төрөөбүт күнэ буолара дьоһун күнү өссө ордук суолталаата.
Бу үөрүүлээх күн И.Г. Тимофеев аатынан Майа лицейигэр сквергэ бюст аһыллыытынан саҕаламмыта. Улуус баһылыга Н.П. Старостин, Майа нэһилиэгин баһылыга Д.М. Тихонов, И.Г. Тимофеев оҕолоро, сиэннэрэ, кэргэнэ Р.М. Тимофеева тэрээһиҥҥэ ыалдьыттаатылар. Лицей үөрэнээччилэрэ бука бары онлайн кыттыыны ыллылар.
Майа лицейин директора Т.С. Попова видео-конференция туһунан бэйэтин санаатын үллэһиннэ:
“Майатааҕы лицей музейыгар В.П. Ларионов бэйэтэ илиитинэн суруйбут “Удьуорбар саҥа суолу тэлэн” диэн ааттаах материаллара баар. Ол материал иитэр-үөрэтэр суолтатын өйдөөн, учебнай пособия тахсыбыта. Сахалартан бастакы академик В.П. Ларионов олоҕун, наукаҕа суолун туһунан видео-конференция тула кэпсэтии таҕыста. Биһиги лицейбытыгар наука, технология сылын аһыллыыта буолла. Видео-конференцияҕа: улахан государственнай деятеллэр, учуонайдар, коллегалара Москва, Дьокуускай куораттартан кыттыыны ыллылар».
Видео-конференция Zoom, YouTube нөҥүө быһа эфирынан ааста. Тэрээһин кыттыылаахтара араас сиртэн бииргэ буолан В.П. Ларионовы ахтан, санаан аастылар. Чугас доҕотторо кини оҕо сааһын, учуонай буолар суолун сиһилии кэпсээтилэр. Лицей үөрэнээччилэрэ оскуолаларын ситиһиилэрин билиһиннэрдилэр.
Конференцияҕа Москваттан физико-математическай наука доктора, профессор, российскай правительство бириэмийэтин лауреата В П Ларионов үөлээннээҕэ Сапожников Геннадий Алексеевич, Федеральнай чинчийэр киин ЯНЦ СО РАН председателэ техническэй наука доктора Лебедев Михаил Петрович, Ил-Тумэн референа Апросимова Наталия Прокопьевна, Саха республикатын бастакы президенэ Михаил Ефимович Николаев сүбэһитэ Матвей Васильевич Мучин, философия доктора, МАН ректора Павлов Василий Климович, Слободчиков Гаврил Егорович Майа лицейын попечительскай советын председателэ, Гуманитарнай чинчийэр институт саха тылын салаатын научнай соотруднига филилогическай наука кандидата Елена Петровна Копырина күндү ыалдьыт буоллулар. Маны таһынан Майа гимназиятын (лицейин) араас сылларга бүтэрбит наука эйгэтигэр дьоһун ситиһиилээх выпускниктар: Владимир Ларионов аатынан институт научнай сотруднига физико-техническай наука кандидата Николай Федорович Стручков, Казаннааҕы Федеральнай университет научнай сотруднига Семенов Матвей Егорович уонна да атыттар кытыннылар. Билигин үөрэнэ сылдьар 10 лицеист: Ксенофонтов Ярослав, Илларионов Радомир, Петров Алексей, Неустроев Эдуард, Ларионова Ариана, Брызгалов Анатолий, Яковлев Николай, Стрекаловский Георгий, Эверстов Валентин, Тимофеев Артем - научнай проектарын билиһиннэрдилэр.
Үрдүк таһымҥа ыытыллыбыт видео-конференция ситиһиилээхтик ааста уонна кэлэр кэмнэ салҕана турдун диэн кыттыылаахтар баҕа санааларын тириэрдэбит.
Билюкина Айта, Черкашина Анджелина,
Майа лицейин 8 кылааһын үөрэнээччилэрэ. |
