I-кы Тыыллыма нэһилиэгэр сэтинньи 29 күнэ ураты дьоро күн буолла. Оҕо – аймах үөрэ-көтө мустар уһуйаанын саҥа дьиэтин аанын тэлэччи арыйар үөрүүлээх, кэтэһиилээх күнэ үүннэ.
Ыраахтан-чугастан ыҥырыллан кэлбит ыалдьыттары эҕэрдэ тылынан "I-кы Тыыллыма нэhилиэгэ" МТ Аҕа баhылыга Константин Васильевич Лепчиков көрүстэ.
Кырачаан оҕолорбутугар анаан тутуллубут «Кунчээн» уһуйаан символическай күлүүһүн детсад сэбиэдиссэйигэр Надежда Владимировна Дайбанныроваҕа, күүстээх үлэни көрсүбүт «СеверДорСтрой» тэрилтэ салайааччыта Василий Николаевич Терехов туттарда.
Саҥа уhуйааҥҥа киирэр бэлиэни, аалай лиэнтэни «Мэҥэ-Ханалас улууhа» МО Аҕа баhылыга Николай Прокопьевич Старостин, Саха Республикатын Ил Тумэнин Председателэ Александр Николаевич Жирков, Саха Республикатын Ил Тумэнин дьиэ кэргэҥҥэ, оҕоҕо, ыччакка, физическай культураҕа уонна спортка сис кэмитиэтин председателэ Юрий Петрович Баишев, Саха Республикатын Ил Тумэнин бюджетка, үпкэ, түһээн уонна сыана политикатын, бас билии уонна приватизация боппуруостарыгар сис кэмитиэтин председателэ Юрий Михайлович Николаев, Үөрэх Министерствотын уопсай отделын сүрүннүүр специалиһа Татьяна Ивановна Никифорова, Мэҥэ - Хаҥалас улууhун үөрэҕин управлениетын начальнига Ирина Васильевна Черкашина, "1-кы Тыыллыма нэhилиэгэ" МТ Аҕа баhылыга Константин Васильевич Лепчиков үөрүүлээх быһыыга-майгыга быстылар.
Салгыы уһуйааҥҥа салаллан киирэн алгыс этии сиэригэр-туомугар кыттыһыы, саҥа уһуйаан устун экскурсия буолла.
Тыыллыматааҕы “Күнчээн” уһуйаан, сэбиэдиссэй Дария Федоровна Тимофеева аатын 2010 с. сүгэр. Бу күн ийэлэрин ахта-саныы оҕолоро кэлбиттэр, кинилэр ааттарыттан эҕэрдэ тылын Саха Республикатын Ил Түмэнин дьиэ кэргэҥҥэ, оҕоҕо, ыччакка, физическай культураҕа уонна спортка сис кэмитиэтин председателэ Юрий Петрович Баишев эттэ.
Үөрүүлээх тэрээһин иккис чааhа талба талаан арыллар дьиэтигэр, А.М. Алексеев аатынан культуура киинигэр салҕанна.
Манна нэһилиэги сырдатар стендэлэр, выставка бэлэмнэммит.
Эҕэрдэ тылы Мэҥэ-Ханалас улууhун Аҕа баhылыга Николай Прокопьевич Старостин эттэ, тустаах дьону наҕараадалаата. Салгыы ыҥырыылаах ыалдьыттар биир биир тахсан эҕэрдэ эттилэр. Уһуйаан иитиллээччилэрэ, выпускниктара, улуус уһуйааннарын салайааччылара, эр дьон педагогтар тэрээһини музыкальнай нүөмэрдэринэн киэргэттилэр.
|