 Бүгүн олунньу 11 күнүгэр 2022 с. Лоомтука бөһүөлэгэр үгэскэ кубулуйбут улуустааҕы оскуолаҕа киириэн иннинээҕи саастаах оҕолор икки ардыларыгар сахаттан бастакы академик Владимир Петрович Ларионов декадатын чэрчитинэн -«Тииҥ мэйии» олимпиада буолан ааста.
Улууспут 27 уhуйааныттан 31 оҕо кыттыыны ыллылар. Быйылгы Олимпиада google форманан онлайн ыытылынна.
Дьүүллүүр сүбэ бэрэссэдээтэлэ – Ларионова Мария Николаевна - Мэҥэ-Хаҥаластааҕы үөрэҕирии салалтатын информационнай методическай отделын сүрүннүүр специалиhа, чилиэннэрэ: Ксенофонтова Екатерина Николаевна – С.З.Борисов аатынан Тыыллыма орто оскуолатын директоры үөрэх чааhыгар солбуйааччы, Назарова Марфа Николаевна – оскуола алын сүhүөх кылаастар методическай холбоһугун салайааччыта, Игнатьева Данианна Даниловна – оскуола алын сүhүөх кылааhын учуутала.
Олимпиада икки түhүмэҕинэн сүрдээх тыҥааhыннаахтык ыытылынна: ахсаан уонна метапредметнай олимпиадаҕа Лаурет (мунутуур кыайыылаах) уонна дипломаннар ааттаннылар. Түмүк ахсааҥҥа уонна метаҕа тус туhунан таҕыста.
Ахсаан олимпиадатыгар:
1 степеннээх диплом - Федотова Айтаана, Томтордооҕу «Мичээрэ» оҕо саада;
2 степеннээх диплом - Николаев Эрхан , Төхтүрдээҕи «Мичил» оҕону сайыннарар киин;
3 степеннээх диплом - Куличкин Айсен, Т.Г. Десяткин аатынан Тумул орто оскуолата.
Метапредметнай олимпиадаҕа:
1 степеннээх диплом – Кириллин Валентин, Маттатааҕы «Ньургуһун» о5ҕ саада,
1 степеннээх диплом - Егорова Элеонора, Тыыллыматааҕы «Күнчээн» оҕо саада,
1 степеннээх диплом - Заровняева Мира, Төҥүлуүээҕи «Олимпионик» оҕону сайыннарар киин;
2 степеннээх диплом - Ноговицына Санита, Балыктаахтааҕы «Звездочка» оҕо саада,
2 степеннээх диплом - Климовская Сайнаара, Н.В.Петров аатынан Дьабыыл орто оскуолата;
3 степеннээх диплом - Федотова Айтаана, Томтордооҕу «Мичээрэ» оҕо саада,
3 степеннээх диплом - Куличкин Айсен, Т.Г.Десяткин аатынан Тумул орто оскуолата
Икки олимпиада түмүгүнэн муҥутуур кыайыылааҕынан 45 баалы ылан, Федотова Айтаана, Томтордооҕу «Мичээрэ» оҕо саада ааттанна.
Олимпиада кыайыылаахтара үөрэх управлениетын дипломнарынан, сертификаттарынан наҕараадаланнылар. Кыайыылаахтары, бары кыттааччылары истиҥник э5ҕдэлиибит. Инникитин үрдүк ситиһиилэри баҕарабыт.
| 
