Олунньу 19 күнүгэр 2019 с. Лоомтука бөhүөлэгэр, Д.Ф. Тимофеева аатынан Тыыллыматааҕы «Кунчээн» оҕо уhуйааныгар I-кы улуустааҕы оскуолаҕа киириэн иннинээҕи саастаах оҕолор икки ардыларыгар сахаттан бастакы академик Владимир Петрович Ларионов декадатын чэрчитинэн - «Тииҥ мэйии» олимпиада ыытылынна.

Улууспут 14 уhуйааныттан 22 оҕо кэлэн кыттыыны ыллылар. Олимпиада үөрүүлээх арыллыытын бэлэмнэнии бөлөх кыргыттара Н.Макарова «Оҕуруонан оhуордуубут», уолаттар ансамбллара «Уолаттар марштара» ырыанан киэргэттилэр, ону тэҥэ эҕэрдэ тылларын тиэртилэр Мэҥэ-Хаҥаластааҕы үөрэҕирии салалтатын оскуола иннинээҕи үөрэхтээhин отделын сүрүннүүр специалиhа Андрей Андреевич Дьяконов, Тыыллыматааҕы «Күнчээн» уhуйаан сэбиэдиссэйэ Надежда Владимировна Дайбаннырова.

Дьүүллүүр сүбэ бэрэссэдээтэлэ - Дьяконов Андрей Андреевич - Мэҥэ-Хаҥалас үөрэҕириитин салалтатын оскуола иннинээҕи үөрэхтээhин отделын сүрүннүүр специалиhа, чилиэннэрэ: Ксенофонтова Екатерина Николаевна – С.З.Борисов аатынан Тыыллыма орто оскуолатын директоры үөрэх чааhыгар солбуйааччы, Назарова Марфа Николаевна – оскуола алын сүhүөх кылаастар методическай холбоһугун салайааччыта, Назарова Харитина Александровна – оскуола алын суhүөх кылааhын учуутала.

Олимпиада икки түhүмэҕинэн сүрдээх тынааhыннаахтык ыытылынна: ахсаан уонна метапредметнай. Түмүк ахсааҥҥа уонна метаҕа тус туhунан таҕыста.

Ахсааҥҥа:

• 1 миэстэ - Бурнашев Айтал, Аллараа – Бэстээхтээҕи «Солнышко» оҕо саада, иитээччи Винокурова Ангелина Алексеевна
• 2 миэстэ - Аргунов Айсен.- Павловскайдааҕы «Мичээр» оҕону сайыннарар киин, иитээччи Егорова Наталия Романовна
• 3 миэстэ – Брызгалов Юристан – Майатааҕы «Мичил» оҕону сайыннарар киин, иитээччи Никифорова Ульяна Семеновна

Метапредметнайга:

• 1 миэстэ - Аргунов Байдамин - Тыыллыматааҕы «Күнчээн» оҕо саада, иитээччи Ларионова Евдокия Аскилынавна
• 2 миэстэ - Трифонова Лиля – Балыктаахтааҕы «Звездочка» оҕо саада, иитээччи Чиркова Саргылана Прокопьевна
• 3 миэстэ - Соломонова Лиана – Майатааҕы «Мичил» оҕону сайыннарар киин, иитээччи Никифорова Ульяна Семеновна.

Икки олимпиада түмүгүнэн муҥутуур кыайыылааҕынан Павловскайдааҕы «Мичээр» оҕону сайыннарар киин иитиллээччитэ Айсен Аргунов ааттанна.

Олимпиада кыайыылаахтара үөрэх управлениетын грамотатынан, дипломунан ону тэҥэ мэдээллэринэн, кубогынан уонна бирииһинэн наҕараадаланнылар. Иитээччилэргэ маастар кылаастар ыытылыннылар.

Оҕолор бары даҕаны үчүгэй бэлэмнээхтэрин көрдөрдүлэр.