| РАЗДЕЛЫ |
 |
|
 |
| ДЛЯ ПЕДАГОГОВ |
|
|
|
| ДЛЯ ШКОЛЬНИКОВ |
|
|
|
| ОБЩЕСТВЕННЫЕ ОБЪЕДИНЕНИЯ |
|
|
|
| ПОИСК |
|
|
|
|
Главная » 2012 » Март » 30 » "Саха тылын, культуратын сайдар эйгэтин тэрийии" семинар
09:47 "Саха тылын, культуратын сайдар эйгэтин тэрийии" семинар |
 Улуустаађы саха тылын, литературатын уонна төрүт культуратын учууталларын семинара кулун тутар 16 күнүгэр 2012 с. Дмитрий Таас аатынан Хорообут орто оскуолатыгар буолан ааста. Барыта 17 киһи кыттыыны ылла. Ордук тэрээһиннээхтик В.П.Ларионов аатынан Майа №1-дээх орто оскуолатын, Майа лицейин, Майа №2-дээх орто оскуолатын, Хара лицейин, Моорук, Ороссолуода, Хаптађай, Чүүйэ, Алтан орто оскуолаларын айымньылаахтык үлэлии сылдьар учууталлара кэлэн кыттыыны ылбыттарын бэлиэтиибит. Семинар темата: Саха тылын, культуратын сайдар эйгэтин тэрийии диэн сонун, ураты сахалыы тыыннаах, дириң ис хоһоонноох. Семинары ыытыыга туруоруллубут сыал-сорук ситиһилиннэ. Манна оскуола коллектива бары биир тыыңңа киирэн үлэлээбиттэрэ хайђаллаах. Билиңңи ФГОС ирдэбилигэр сөп түбэһэр тутуллаах программаны толкуйдаан, учуутал үлэтин олус киэңник хабан көрдөрбүттэрэ биһирэбиллээх. Ыалдьыттары көрсүү бэйэтэ туһунан сиэрдээх-туомнаах. Ол кэлбит киһини ураты турукка киллэрэр эмиэ биир ньыма. Салгыы аһађас уруоктар ыытылыннылар. Уруоктарга ођођо тус туһаайыылаах, бырайыактааһын технологиялара, ођо уйулђатыгар сөп түбэһэр трениннэр, ођо билиини иңэринэн сатабылга тахсыытын түмүгэ көһүннэ. Маны сэргэ аныгы кэм ирдэбилинэн информационнай көрдөрөр-иһитиннэрэр  матырыйааллар толору туттулуннулар. Уруоктарга ођо тула иитии-үөрэтии хайысхата биир кэлим барбытын астынан бэлиэтиэххэ сөп. Бу уруоктар күүстээх өрүттэринэн учуутал үлэлиир лабораториятын үрдүк таһымңа тэриниитэ буолар. Саха тылын, литературатын үрдүк категориялаах учуутала Трофимова Елизавета Егоровна тэрийбит кабинета баай ис хоһоонноох матырыйааллаах, аныгы ирдэбилгэ толору эппиэттиир. Маны барытын учуутал ыытар уруоктарыгар табыгастаахтык туһанар. Һрдүк категориялаах төрүт культура учуутала Тихонова Антонина Иннокентьевна саңа тэриммит «Дьөһөгөй музей-хоһо» саха киһитин кутун-сүрүн уоскутар, абылыыр дьикти аналлаах. Кини ыыппыт уруогар ођолор бэйэлэрэ кинигэ оңорон таһаардылар уонна көмүскээтилэр. Билигин музейнай педагогика сайдыбыт кэмигэр маннык анал хос оңостон үлэлии сылдьалларыттан киһи үөрэр, киэн туттар. Бу музей-хос кэңэтиллэрэ буоллар, өссө тупсађай көстүүлээх буолуо эбит. Онуоха опыттаах учуутал сыллата муспут баай матырыйаала төһүү күүс буолбутун сөђөн-махтайан бэлиэтиэххэ наада.
Олохпут төһө да уларыйдар инники кэскил туһугар күннэтэ сыраларын биэрэн туран үлэлии сылдьар дьону көрөн ис дууһађыттан үөрэђин, кинилэринэн киэн туттађын. Ол курдук, уруок таһынан ыытыллар куруһуоктар үлэлэрэ эмиэ холбуу тутуллан, дьүөрэлэһэн барыылара хайдах эрэ ис-иһиттэн сэргэх, кэрэхсэбиллээх. Манна ођолор сатабыл таһымыгар толору тахсыылара көһүннэ. Педагог-маастар Босикова Наталья Васильевна «Сахам кэрэ оһуордара» диэн быыстапкатын көрдөрдө уонна семинар кыттыылаахтарын барыларын бэйэтин эйгэтигэр киллэрэн үлэлэппитин түмүгэр бары харысхал бэлиэ оңорон таһааран ођолуу үөрдүбүт. Онон биһиэхэ барыбытыгар умнуллубат өйдөбүлү бэлэхтээтэ. Салгыы фольклор куруһуогун салайааччыта Бугаева Виктория Николаевна  «Өбүгэм ырыата-тойуга» диэн дьарыгар кытынныбыт. Манна ођолору сэргэ эмиэ дьарыктанныбыт: хомуска оонньоотубут, оһуокайдаатыбыт. Бэрт сэргэх ырыалаах-тойуктаах дьон буолан биэрдилэр. Онтон «Сылгы сиэлиттэн оңоһуктар» диэн алтыһыннарыллыбыт куруһуок үлэтин көрдүбүт. Дьарыгы ыыттылар төрүт культура учуутала Тихонова Антонина Иннокентьевна уонна куруһуок салайааччыта Тихонова Татьяна Васильевна. Теория кэнниттэн практика чааһыгар ођолор үс суол харысхал бэлиэтин оңорон, кэпсээтилэр, көрдөрдүлэр. Учууталлар тэңңэ дьарыктаннылар. Олус интэриэһинэйдик түмүктэннэ.
Онтон учуутал Трофимова Елизавета Егоровна «Нэһилиэк механизатордара» диэн кыраайы үөрэтэр элективнай курсугар сырыттыбыт. Манна үрдүкү кылаас ођолоро талан дьарыктаналлар эбит. Сүрдээх интэриэһинэй дьарык буолла. Оскуолалара агро-хайысхалаах буолан онно сыһыары тутан бэйэлэрин түөлбэлэрин механизатордарыттан сађалаан оройуон, республика таһымыгар тахсаллар эбит.
Түмүккэ оскуола научнай үлэђэ салайааччыта Анна Петровна Шестакова, омук тылын учуутала Вера Васильевна Тастыгина, ветеран учуутал Павел Владимирович Скрябин тэбис-тэңңэ сылдьан күүс-көмө, биир идэлээхтэригэр өйөбүл буолбуттарын махтанан туран бэлиэтиибин. Маннык семинардар ыытыллыылара үөрэх саңа ирдэбилигэр киирэргэ хайаан да наадатын тоһођолоон бэлиэтиибин. Семинары тэрийэн ыыппыт Хорообут оскуолатын коллективыгар барђа махтал тылларын аныыбыт.
Слободчикова Тамара Егоровна, Майатаађы лицей учуутала,
оройуон саха тылын, литературатын МХ салайааччыта |
|
Просмотров: 2569
|
|
|
| Служебный вход |
|
|
|
|
| АНОНСЫ |
|
|
|
|
| КАЛЕНДАРЬ |
|
|
|
| СТАТИСТИКА |
|
Онлайн всего: 1 Гостей: 1 Пользователей: 0 |
|
|
