|Регистрация|Вход| Приветствую Вас Гость |RSS
РАЗДЕЛЫ
ДЛЯ ПЕДАГОГОВ
ДЛЯ ШКОЛЬНИКОВ
ОБЩЕСТВЕННЫЕ ОБЪЕДИНЕНИЯ
ГОРЯЧАЯ ЛИНИЯ
ТЕСТЫ
ФОРУМЫ
АРХИВ САЙТА
ПОИСК
Главная » 2022 » Декабрь » 4 » «Саха КВН» улуустааҕы таһымын оонньуута ыытылынна
12:43
«Саха КВН» улуустааҕы таһымын оонньуута ыытылынна

Ахсынньы 3 күнүгэр Майа сэлиэнньэтигэр В.П.Ларионов аатынан Майа орто уопсай үөрэхтээһин оскуолатыгар ХХII-c республикатааҕы оскуола оҕолорун «Саха КВН» улуустааҕы таһымын оонньуута ыытылынна.

Оонньуу сүрүн сыалынан “Саха КВН” хамсааһынын сайыннарыы, үүнэр көлүөнэ саха ыччата төрөөбүт төрүт тылынан таба саҥарар эйгэтин кэҥэтии, улууспутугар бастыҥ хамаандалары уонна кыттааччылары бэлиэтээһин буолар.

Тэрээһиҥҥэ уопсайа 5 үөрэх кыһатыттан 46 оҕо кэлэн кыттыыны ыллылар. Сүрүн тэрийээччилэринэн уонна спонсордарынан буоллулар:

- Саха Республикатын «Саха КВН Лигата» ыччат уопсастыбаннай тэрилтэтэ, салайааччы Охлопков Г.И.

- Мэҥэ-Хаҥалас улууһун үөрэҕириигэ салалтата, начальник Никифоров Николай Лукич;

- «Кэрэли» улуустааҕы эбии үөрэхтээһин киин иһинэн «Мэҥэ кэскилэ» оҕо уопсастыбаннай түмсүүтэ;

- В.П. Ларионов аатынан Майа орто уопсай үөрэхтээһин оскуолата, директор Толстяков Гаврил Николаевич;

- Майа тыал сирин түөлбэтин дьаһалтата, баһылык Неустроев Алексей Иннокентьевич;

- «Ven beauty» салон, салайааччы - Егорова Наталья - «Мэҥэ кэскилэ» улуустааҕы оҕо уопсастыбаннай түмсүү 2018 с. лидерэ, «Саха КВН» оскуола оҕолорун хамаандатын чилиэнэ.  

Дьүүллүүр сүбэҕэ үлэлээтилэр:

  • Охлопков Геннадий Иванович - Саха республикатын оҕолорун уопсастыбыннай холбоһуутарын союһун бэрэссэдээтэлэ, Саха республикатын «Саха КВН Лигата” ыччат уопсастыбыннай тэрилтэтин бэрэссэдээтэлэ;
  • М. К. Аммосов аатынан Хотугулуу-Илиҥҥи федеральнай университет 3 куурсун устудьуона, ИМКО хамыыһыйа студеннарын бэрэссэдээтэлин солбуйааччыта - Игорь Эверестов;
  • М. К. Аммосов аатынан Хотугулуу-Илиҥҥи федеральнай университет 3 куурсун устудьуона, Саха Республикатын “Саха КВН Лигата” ыччат уопсастыбыннай тэрилтэтин салайааччыта - Евгений Филиппов;
  • Оҕону эбии үөрэхтээһин киин иһинэн “Мэҥэ кэскилэ” улуустааҕы оҕо уопсастыбыннай түмсүүтүн салайааччыта – Монастырева Марианна Дмитриевна.

Күн бастакы аҥарыгар хамаандалары кытта уопсай балаһыанньа тиэмэтинэн “Кыайыыга мин 100 хардыым” эрэдээксийэ үлэтэ ыытылынна. Манна хас биирдии хамаанда эрдэтинэ бэлэмнэммит бырагыраммалаларын хас биирдии түһүмэхтэринэн дьүүллүүр сүбэҕэ көрдөрдүлэр, алҕастарыгар сүбэ-ама ыллылар.

Күн иккис аҥарыгар күүтүүлээх «Саха КВН» оскуола оҕолорун оонньуулара хамаандалар парадтарыттан итиэннэ улуустааҕы үөрэҕирии салалтатын аатыттан Анна Николаевна Михайлова, оскуола дириэктэрэ Гаврил Николаевич Толстяков уонна дьүүллүүр сүбэ бэрэссэдээтэлэ Геннадий Иванович Охлопков эҕэрдэ тылларынан саҕаланна.

Бастакы түһүмэххэ хамаандалар күөн күрэскэ бэйэлэрин билиһиннэрдилэр. Кыттааччылар тылларын-өстөрүн истэн, программа тиэмэтин, ис хоһоонун толору арыйалларын, артыыстыыр дьоҕурдарын, сатабылларын көрдөрдүлэр.

Иккис түһүмэх “Биатлон” («Ыйытынньык») 6 эргиирдээх буолла. Хамаандаттан биирдии кыттааччы эргиир аайы иккилии көрүдьүөстэринэн дьүүллүүр сүбэ быһаарыытынан туорууллар биитэр салҕыы эргииргэ хаалаллар. Тиһэҕэр икки хамаанда (Чыамайыкыттан «Чиккэстэр» уонна Баатараттан “Биттар”) тыҥааһыннаах киирсиитэ буолла, дьүүллүүр сүбэ көрүдьүөс сорудах таһынан эбии «Ыйытынньык» («Разминка») түһүмэҕин биллэрэн эбии 3 ыйытыкка хоруй биэрдилэр. Бу түмүгүнэн өркөн өйдөөх кыттааччы “Чиккэстэр” хамаандалара бу түһүмэххэ кыайыылааҕынан таҕыстылар.

Салҕыы хамаандалар эрдэ ыйыллыбыт тиэмэҕэ бэлэмнэммит үлэлэрин, дьоҕурдарын  “Музыкальнай дьиэҕэ үлэ” үһүс түмүктүүр түһүмэххэ көрдөрүүлэринэн оонньуу түмүктэннэ.

Түмүк тахсар кэмигэр “Мэҥэ кэскилэ” уонна В.П. Ларионов аатынан Майа орто оскуолатын “Ларионовцы” оҕо түмсүүлэрин актыбыыстара оҕолорго доҕордоһуу түһүлгэтин тэрийдилэр.

ХХII-с төгүлүн ыытыллар «Cаха КВН» оскуола оҕолорун долгутуулаах чааһыгар дьүүллүүр сүбэ түмүгү иһитиннэрдэ. Ол курдук, дьүүллүүр сүбэ анал ааттартан саҕалаата:

  • «Бастыҥ көрүдьүөс» - «Муокастар» хамаанда (Төхтүрдээҕи эбии үөрэхтээһин киин В.Н. Оконешников аатынан Павловскай орто оскуолатын филиала);
  • «Бастыҥ дьиэтээҕи сорудах» -  «Чиккэстэр» хамаанда (Чыамайыкы орто оскуолата);
  • «Бастыҥ эҕэрдэлэһии» - «Мэник Мэҥэлэр» хамаанда (В.П.Ларионов аатынан Майа орто оскуолата);
  • «Мэкчиргэ мэйии» - “В.I.T-тар» хамаанда (Ф.К.Попов аатына Баатара орто оскуолата);
  • «Саха КВН эрэлэ» - «Two School» хамаанада (Аллараа-Бэстээх 2№-дээх орто оскуолата).
  • «Күн күлүүк» («Мисс КВН”) анал аат туттарылынна Аллараа Бэстээх 2№-дээх орто оскуолатын үөрэнээччитигэр Брызгалова Альмираҕа уонна «Ven beauty» cалонтан 2000 солк. сууммалаах сертификат туттарылынна.
  • “Көрдөөх көкөт”(«Мистер КВН”) анал ааты сүктэ В.П. Ларионов аатынан Майа орто оскуола үөрэнээччитэ Тарскай Слава итиэннэ Майа тыа сирин түөлбэтин дьаһалтатын 3000 солк. сууммалаах сертификатынан наҕараадаланна.

Дьэ, онтон салҕыы бочуоттаах миэстэлэр таҕыстылар:

  • 3 бочуоттаах миэстэни ыллылар “Муокастар” Төхтүрдээҕи техническэй салаа эбии үөрэхтээһин киинин В.Н. Оконешников Павловскай орто оскуолатын иһинэн филиала (ИП «Федотов Р.Е.» маҕаһыыннарыгар 2000 солк. сертификат );
  • 2 миэстэ туттарылынна “Мэник Мэҥэлэр” В.П. Ларионов аатынан Майа орто оскуолата (ИП «Федотов Р.Е.» маҕаһыыннарыгар 2000 солк. сертификат);
  • Үс түһүмэх түмүгүнэн 1 миэстэни ылары ситистилэр алгыстаах айаннаах Чыамайыкы орто оскуолатын хамаандата “Чиккэстэр” уонна В.П. Ларионов аатынан Майа орто оскуолатын анал бирииһэ 5000 солк. сертификатын хаһаайыннарынан буоллулар.

Салҕыы уопсай оонньуу түмүгүнэн дьүүллүүр сүбэ чилиэттэрэ – Игорь Эверестов уонна Евгений Филиппов ырытыһыы түһүлгэтин тэрийэн хамаандалар интэриэһиргиир, долгутар ыйытыктарыгар толору хоруй ыланнар олус астыннылар уонна маннык көрсүһүүлэр, түмсүүлэр, күрэхтэр инникитин өссө да буолалларыгар баҕа санааларын биллэрдилэр.

                              Сайыына Свинобоева, улуустааҕы оҕо хамсааһынын медиа - специалиһа

      Марианна Монастырева, «Мэҥэ кэскилэ» улуустааҕы оҕо уоспастыбаннай түмсүүтүн салайааччыта

 

Просмотров: 110
Служебный вход
Логин:
Пароль:
АНОНСЫ

ВКВКВК

ОБЪЯСНЯЕМ.РФ

ГОРЯЧЕЕ ПИТАНИЕ

Горячая линия по дистанционному обазованию

Горячая линия

Телефон доверия

Телефон доверия

Выбор будущего

Президент России

Ил Дархан Республики Саха (Якутия)

МР Мегино-Кангаласский улус

Официальный сайт Басговру

Реском профсоюза РС(Я)

WorldSkills Russia

Сетевой город. Образование

Сетевой город. Анкетирование

КАЛЕНДАРЬ
«  Декабрь 2022  »
ПнВтСрЧтПтСбВс
   1234
567891011
12131415161718
19202122232425
262728293031
СТАТИСТИКА

Онлайн всего: 1
Гостей: 1
Пользователей: 0
Министерство Просвещения РФ  Министерство образования и науки Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Официальный информационный портал ГИА  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Федеральная служба по надзору в сфере образования и науки  Федеральный центр тестирования  Федеральный институт педагогических измерений  Единое окно доступа к образовательным ресурсам  Всероссийский Интернет-педсовет  ИД Первое сентября 
МКУ "Мегино-Кангаласское районное управление образования" © 2009