Тохсунньу 27-28 күннэригэр Мэҥэ-Хаҥалас улууһугар 18-ыс төгүлүн оскуола оҕолоругар ыытыллар Саха КВН оонньууларын полуфиналыгар Илин эҥэр 5 улууһуттан 11 хамаанда күөн көрүстэ.
Саха КВН оонньуута маҥнай улуустарынан онтон сүүмэрдиир түһүмэхтэр Бүлүү бөлөххө, Илин эҥэргэ уонна киин улуустарга бараллар. Түмүктүүр оонньуу Дьокуускайга кулун тутар 30-31 күннэригэр ыытыллыаҕа.
Илин эҥэр улуустарыгар ыытыллыбыт сүүмэрдиир сахалыы тыллаах Саха КВН оонньууга хас биирдии хамаанда эрдэттэн бэлэмнэнэн, тургутууну ааһан кэлэн икки күн устата улахан сыанаҕа тахсан дьүүлүүр сүбэ иннигэр оонньоон көрдөрдө. Оҕолор бу хайысханан дьарыктаныахтарын баҕараллара, күлүү жанра курдук алыптаах эйгэҕэ киирэннэр дьарык оҥостоннор күннэтэ үтүө дьыаланан дьарыктанар буоллахтарына, олох мөкү өрүтүгэр ылларбаттар диэн тэрийээччилэр бэлиэтииллэр. Икки күннээх тыҥааһыннаах оонньууга хамаандалар көрөөччүлэри күллэрэн, КВН оонньуу ирдэбилигэр сөп түбэһэр интэриэһинэй программалары, шуткалары бэлэмнээн кэлбиттэр.
Түмүккэ оскуола үөрэнээччилэрин икки ардыларыгар ыытыллыбыт Саха КВН Илин эҥэрдээҕи оонньуутун кыайыылааҕынан Мэҥэ-Хаҥалас улууһуттан Филипп Охлопков аатынан Майа орто оскуолатыттан «Саҥа Кэм» хамаанда ааттанна. Иккис миэстэни Таатта «Ситик» хамаандата ылла уонна үһүс бириистээх миэстэҕэ «Амма хомуур хамаандата» тигистэ. Бу кыайбыт үс хамаанда республикатааҕы Саха КВН финалыгар кыттыахтара.
Зоя Герасимова, оҕону эбии γɵрэхтээhин Киинэ
![](/vesti/2017_2018/sdod/kvn1.jpg)
![](/vesti/2017_2018/sdod/kvn2.jpg)
![](/vesti/2017_2018/sdod/kvn3.jpg)
![](/vesti/2017_2018/sdod/kvn4.jpg)
![](/vesti/2017_2018/sdod/kvn5.jpg)
![](/vesti/2017_2018/sdod/kvn6.jpg)
![](/vesti/2017_2018/sdod/kvn7.jpg)
![](/vesti/2017_2018/sdod/kvn8.jpg)
![](/vesti/2017_2018/sdod/kvn9.jpg)
|