Олунньу 10 кунугэр Ф.Г. Охлопков аатынан Майа орто оскуолатыгар Саха сиригэр ыччат сылыгар аналлаах оскуола оҕолорун 17-с республикатааҕы «Саха КВН» оонньууларын улуустааҕы күрэҕэ буолан ааста.
Күрэхтэһии «Cаха КВН» хамсааhынын салгыы сайыннарар, саха ыччата төрөөбүт тылын туттар эйгэтин кэҥэтэр, илин эҥэрдээҕи Саха КВН оонньууларыгар кыттар хамаандалары сүүмэрдиир сыаллаах-соруктаах ыытылынна.
Оонньуу сүрүн тэрийээччилэринэн буоллулар: Мэнэ-Ханалас улууьун уэрэ5ириигэ салалтата, Ф.Г.Охлопков аатынан Майатаа5ы орто уопсай уэрэхтээhин оскуолата, “Мэнэ-Кэскилэ” улуустаа5ы о5о общественнай хамсааhына, Мэнэ-Ханалас улууhун «Саха КВН Лигата» ыччат общественнай тумсуутэ.
Быйылгы күрэххэ улууспут 11 саамай көхтөөх, түмсүүлээх хамаандалара кыайыылаах ааты ылаары кииристилэр: «Сахалар» (Ф.Г.Охлопков аатынан Майа орто оскуолата), “5 Х” (Кеша Алексеев аатынан Хапта5ай орто оскуолата), “Айыл5а о5олоро” (А-Бэстээх 2№-дээх орто оскуолата), “До5оттор” (Е.Д.Кычкин аатынан Матта орто оскуолата), “6 кадров” (Дмитрий Таас аатынан Хорообут орто оскуолата), “Уучукуруктар” (А-Бэстээх 1 №-дээх орто оскуолата), “Кэнч-мэн” (Балыктаах орто оскуолата), “Саҥа кэм” (Ф.Г.Охлопков аатынан Майа орто оскуолата), “Бырамачааннар” (Е.П.Шестаков-Эрчимэн аатынан Бырама орто оскуолата), “Халлаан дьоно” (И.М.Романов аатынан Төхтүр орто оскуолата).
Оонньуу түөрт түһүмэҕинэн барда: «Бэйэни билиһиннэрии», «Биир нүөмэр», «Триатлон», «Музыкальнай дьиэ5э үлэ». Тыҥааһыннаах киирсии түмүгүнэн кыайыылаах урдук аатын эрэллээхтик «Cаҥа кэм» (Майа) суктэ, иккис миэстэҕэ элбэҕи эрэннэрэр «Доҕоттор» (Матта) хамаандата таҕыста, үһүс бириистээх миэстэҕэ «Сахалар» (Майа) хамаандата тигистэ. Күрэх түмүгүнэн анал ааттар иҥэрилиннилэр: «Көрдөөх көкөт» - Макаров Рудольф (“Халлаан дьоно” Төхтүр), “Күндү Күлүүк” – Дьячковская Уруйдаана (“Эдьиийдэр” Майа), “Саха КВН эрэлэ” – “5Х” (Хаптаҕай) хамаандата. Бириистээх миэстэ5э уонна анал ааты ылбыттарга Мэнэ-Ханалас улууhун «Саха КВН Лигата» ыччат общественнай тумсуутүн бэрэссэдээтэлэ Алексей Михайлов харчынан бириэмийэтин туттарда. Итини сэргэ хамаандаларга анал ааттар иҥэрилиннилэр: «Уран уус тыллаахтар” – “Эдьиийдэр” (Майа), “Мэкчиргэ мэйии” – “6 кадров” (Хорообут), “Көрөөччүлэр биһирэбиллэрэ” – «Бырамачааннар» (Бырама), “Бэрт бэтиэхэ” – “Кэнч-мэн” (Балыктаах), “Бастыҥ көрүдьүөс” – «Уучукуруктар» (А-Бэстээх), “Алтан Чуораан” – “Айыл5а о5олоро” (А-Бэстээх).
Чурапчы оройуонугар ыытыллар илин эҥэрдээҕи Саха КВН оонньууларыгар биһиги улуустан "Саҥа кэм" уонна “Доҕоттор” хамаандалара салгыы кыттыны ылыахтара.
|