Кулун тутар 27-30 күннэригэр ИРОиПК тэрээһининэн республика социальнай педагогтарын күрэҕэ ыытылынна.

Балаһыанньа быһыытынан 4 көрүҥ: бэйэни билиһиннэрии, маастар кылаас, төрөппүтү кытта үлэ бырайыагын көмүскээһин, финалга пресс конференция буолла. Мэҥэ Хаҥалас улууһуттан В.П. Ларионов аатынан Майа орто оскуолатын соцпедагога Сыромятникова Р.М. кытынна. Розалия Михайловна 3 көрүҥү ситиһиилээхтик ааһан, финалга тахсан, лауреат үрдүк аатын ылла. Экспердэр хайҕаан Розалия Михайловнаны республиканскай тэрээһиннэргэ маастар кылаас ыытарга ыҥырыы оҥордулар.

Финалга Дьокуускай, Таатта, Мэҥэ Хаҥалас, Бүлүү, Хаҥалас улуустар соцпедагогтара уустук ыйытыыларга тургутугу аастылар. Муҥутуур кыайыылааҕынан Тааттаттан Ытык Күөл лицейин соцпедагога Неустроева Л.А. буолла.

Коллегабытын Розалия Михайловнаны улахан күрэххэ лауреат буолбутунан истиҥник эҕэрдэлиибит, инникитин түбүктээх, сыралаах үлэтигэр ситиһиини баҕарабыт.

Бу күрэххэ кыттааччылар бэйэ-бэйэлэрин кытта билсиһэн, үлэлэрин опытын үллэстэн, үөрэн-көтөн тарҕастылар.