 Сэтинньи 20-24 күннэригэр Дьокуускай куоракка республика үөрэҕин үлэһиттэрин профсоюзтарын комитета Педагог уонна наставник сылын уонна профсоюз үлэһитин күнүн чэрчитинэн ыытыллыбыт декадаҕа сылдьан, тэриллэн ыытыллыбыт икки күннээх территориальнай организациялар председателлэрин үөрэтэр семинарыгар, президиумҥа уонна комитет мунньаҕар кыттыыны ыллыбыт.
Сэтинньи 22 күнүгэр ыытыллыбыт "Достойный труд – успешный учитель" төгүрүк остуолга үөрэх тэрилтэлэрэ кадрынан хааччыллыыларын, эдэр специалист олорор дьиэтин, хамнаһын, учуутал идэтигэр бэлэмин, үлэлии сылдьар учууталлар хамнастара намыһаҕын, элбэх отчуотунастаахтарын, коммунальнай төлөбүрдэрин компенсациялыыр төлөбүр уонна үөрэнэ бардахха төлөнөр командировачнай улаатыан наадатын уонна да атын сытыытык турар боппуруостар тула кэпсэтии таҕыста. Манна Саха республикатын профсоюзтарын председателя Н.Н. Дягтерев, Ил Түмэн наукаҕа уонна үөрэххэ сис комитетын председателя Григорьева А.А., үөрэх министиэрстибэтин эппиэттээх үлэһиттэрэ уонна улуустартан территориальнай профсоюзнай организациялар председателлэрэ, үөрэх тэрилтэлэрин председателлэрэ кыттыыны ыллылар.
Аһаҕас кэпсэтиигэ бары кыттыылаахтар орто хамнас дойду президенын Ыам ыйдааҕы укааһыгар олоҕуран регион орто хамнаһыгар тиийбэтин, учууталлар орто хамнастарын ааҕыыга учууталлар үлэнэн перегрузкаларын уонна манна холбуу ылар коммунальнай компенсацияларын барытын эбэн таһааралларын ыйдылар. Антонина Афанасьевна Григорьева бу күннэргэ республика бюджета ылылларын, онно Николай Николаевич Дегтеревтыын эдэр учууталлар хамнастарын окладын улаатыннарыыны уонна атын ыам ыйдааҕы указка хабыллыбатах педагогическай үлэһиттэр хамнастара үрдүүрүн күүскэ туруорсалларын кэпсээтилэр.
Биһиги улуустан Павловскай орто оскуолатын председателя Колосов Иван Владимирович тыл эттэ. Кини сыллата ыытыллар оскуола үлэһиттэрин уонна оҕолорун профилактическай медицинскэй көрүүлэрин хаачыстыбата мөлтөөн иһэрин, учууталлар перегрузкаларын, саҥа эдэр специалистар кэлэн үлэлииллэригэр уопсай дьиэ-уот суоҕун ыйда.
И. Скрябин, Мэҥэ-Хаҥалас улууһун үөрэҕин үлэһиттэрин профсоюһун председателэ
#ГодПедагогаНаставника
#ГПН_2023
#ГПН_МКулус
| 
