Олунньу 8 күнүгэр Мэҥэ-Хаҥалас улууһун оҕону эбии үөрэхтээһин киинигэр «Опыт, мастерство, перспективы» диэн ааттаммыт Педсовет буолла.
Сарсыарда өртүгэр киин дириэктэрэ Светлана Аргунова уонна киин методистара, педагог-организатордар уопсайа 6 хайысханан арахсан үлэлээтилэр. Секцияларга филиаллар педагогтара кэлэн үлэ уопутун, сүбэ-ама ыллылар, санаа атастатылар. Эдэр педагогтарга анаан аһаҕас аан күнэ ыытылынна. Эдэр педагогтар түмсүү тэринэн бүгүн баар кыһалҕалары туоратарга сүбэлэстилэр.
Күн иккис аҥарыгар педагогическай сэбиэт уопсай сүбэ-мунньаҕар улууска оҕо иитиитин сайдыытыгар концепция тула кэпсэтии барда манна Майа дьаһалтатыттан түөлбэни кытары үлэҕэ специалист Евдокия Решетникова кыттыыны ылла. Улуус үөрэҕириигэ управлениетыттан Николай Бугаев оҕо туризмын инники сайдыытыгар туох үлэ-хамнас барыахтааҕын сиһилии кэпсээтэ. Быйылгы «Педагогическай маастарыстыба сылыгар» ылыллыбыт инники былааннары, соруктары иһитиннэрдилэр. Бүтэйдээх филилалын оҕону эбии үөрэхтээһин педагога Светлана Титова ордук туойунан оҥорууга бэйэтин үлэтин уопутун кэпсээтэ.
Бу күн сыл түмүгүнэн оҕону эбии үөрэхтээһин эйгэтигэр бастыҥ үлэлээхтэри наҕараадалаатылар.
Зоя Герасимова.
![](/vesti/2017_2018/sdod/pedsovetcdod1.jpg)
![](/vesti/2017_2018/sdod/pedsovetcdod2.jpg)
![](/vesti/2017_2018/sdod/pedsovetcdod3.jpg)
![](/vesti/2017_2018/sdod/pedsovetcdod4.jpg)
![](/vesti/2017_2018/sdod/pedsovetcdod5.jpg)
![](/vesti/2017_2018/sdod/pedsovetcdod6.jpg)
![](/vesti/2017_2018/sdod/pedsovetcdod7.jpg)
![](/vesti/2017_2018/sdod/pedsovetcdod8.jpg)
![](/vesti/2017_2018/sdod/pedsovetcdod9.jpg)
|