Муус устар 11 күнүгэр 2019 с. Павловскай «Мичээр» ОСК-детсад коллективын 17 сыллаах инновационнай үлэлэрин отчуота буолан ааста. Улуус 10 оҕо тэрилтэлэриттэн 19 иитээччи, уонна Үөрэҕи үрдэтэр институт директоры солбуйааччылара Бугаев Н.И., Михалева О.И. кыттыыны ыллылар.
Отчуот алгыстан саҕаламмыта. Алгысчыт Колосов П.П. кэнчээри ыччат иитиитигэр үлэлиир бары педагогтары арчылаабыта. Детсад директора Аргунова С.Г. “Мичээр” детсад бүгүҥҥүтүн билиһиннэрбитэ. Инновационнай үлэ хайдах саҕаламмытын, сыалын, соругун методист Дмитриева Е.К. кылгастык кэпсээбитэ. Кэлбит ыалдьыттары хоһоонунан, хомуска дьүһүйүүнэн эҕэрдэлээбиттэрэ бэлэмнэнии “Дьэрэкээн оҕолор” бөлөх иитиллээччилэрэ.
“Оҕо уонна улахан киһи остуоруйа эйгэтигэр олоруу” диэн иннвационнай проект автордара иитээччилэр Габышева М.В., Максимова Н.И., эдэр иитээччи Федорова О.Ф. оҕолору кытта остуоруйа эйгэтигэр олорууну, сайыннарыыны группаҕа көрдөрбүттэрэ отчуот кыттыылаахтарын сэҥээриитин ылла. Кэлбит ыалдьыттарга 4 оҕо бэйэлэрин проектарын билиһиннэрдилэр. Темалара “Удьуор утума”, “Мультфильмы хайдах оҥордубут”. Кыра оҕолору кытта бииргэ сахалыы мультфильмы оҥоруу туһунан опытын үллэһиннэ Николаева М.В. Бэйэлэрин үлэлэрин опытыттан кэпсээтилэр эдэр иитээччилэр Егорова Н.Р., Ильина Л.М., Егорова Ф.П., физрук Саввин А.А.
Эбиэт кэнниттэн Үөрэҕи үрдэтэр институт директоры солбуйааччылара Бугаев Н.И., Михалева О.И. билиҥҥи кэмҥэ кыра оҕону иитиигэ-сайыннарыыга бэйэлэрин санааларын үллэһиннилэр, ыйытыыларга эппиэттээтилэр. Проект автордара инновационнай үлэ салҕанарыгар кэс тылларын этэн туран эдэр педагогтарга символическай бэлэх туттардылар. Автордарга, коллективка эҕэрдэ, махтал суруктар, Грамоталар, бэлэхтэр туттарылыннылар. Творческай отчуот выпускниктар эҕэрдэлэринэн ситэрилиннэ.
![](/1_VESTI/2018_2019/DOU2/pavlovskmichehehr1.jpg)
![](/1_VESTI/2018_2019/DOU2/pavlovskmichehehr2.jpg)
![](/1_VESTI/2018_2019/DOU2/pavlovskmichehehr3.jpg) |