Ахсынньы 2 күнүгэр 2000 сыллаах төрүөх уонна онтон кыры саастаах кыргыттарга оскуолалар икки ардыларыгар бастыыр иһин группаларынан баскетбол күрэхтэһиитэ буолан ааста. 1 группа В.Н.Оконешников аатынан Павловскай орто оскуолатыгар 10 хамаанда кытынна, уопсайа 89 күрэхтэһээччини хабан бэрт үчүгэй оонньуулары көрдөрдүлэр. Төхтүр орто оскуолатын оҕолоро тактическай оонньуулары көрдөрөн, үчүгэй бэлэмнээхтэрин көрдөрдүлэр. Түмүккэ 1 миэстэ Төхтүр орто оскуолатын хамаандата, 2 миэстэ Ф.Г. Охлопков аатынан Майа орто оскуолата, 3 миэстэ В.П.Ларионов аатынан Майа орто оскуолата буолары ситистилэр.

Салҕыы 2 группа  оскуолаларын кыргыттара  ити күн  Д. Таас аатынан Хорообут орто оскуолатыгар уопсайа 9 оскуола  хамаандалара, 78 оонньооччуну түмэн  баскетбол күрэхтэһиитин бэрт тэрээһиннээхтик ыытта. Түмүккэ Мэлдьэхси орто оскуолата  1 миэстэ, Бүтэйдээх орто оскуолата  2 миэстэ, Тиэлиги орто оскуолата 3 миэстэ буолары ситистилэр.  Оскуолалар биир тэҥ киирсиилэри көрдрөн, бары тэҥ бэлэмнээхтэрин көрдөрдүлэр.