Ахсынньыый 11 кунугэр улуустааҕы методическай холбоһук 75 сылыгар аналлаах «Иитии-үөрэтии ньымаларын чаҕылхай өрүттэрэ» Наахаратааҕы методическай холбоһук учууталларын айан-күрэҕэ ыытылынна.
Айан-күрэх сүрүн сыалынан буолла:Наахаратааҕы методическай холбоһук учууталларын иитэр-үөрэтэр таһымнарын сайыннарыы уонна инники күөннэ сылдьар саҥа ньымалары туһанан көрдөрүү, опыты тарҕатыы.
Тэрээһиннэ уопсайа 80 педагогическай үлэһит кыттыыны ылла. Ол иьиттэн араас сылларга сыраларын ууран таһаарыылаахтык үлэлээбит учууталлар, дириэктэри иитэр-үөрэтэр үлэҕэ солбуйааччы бэтэрээннэр кэлэн ыалдьыттаан, кыттыыны ылан бардылар.
Сахалыы тыыннаах, гражданско-патриотическай хайысхалаах оскуолалар үлэлэрин көрдөрөр методическай холбоьук “Түөлбэ алгыстаах ситимэ” быыстапка айан-күрэх устата үлэлээтэ.
Сахалыы тыыннаах аныгы уруок нөҥүө оҕоҕо үөрэх дэгиттэр дьайыыларын иҥэрии диэн сыаллаах “Ситим” эдэр учууталлар холбоһуктарын аһаҕас уруоктарынан тэрээһин саҕаламмыта. Үөрүүлээх аһыллыы кэнниттэн «Иитэргэ-үөрэтэргэ уһуйуу» маастардар түһүлгэлэригэр М.К.Аммосов аатынан ХИФУ историческай факультетын доцена Егорова Людмила Ивановна уонна олонхону чинчийээччи, энтузиаст, Хара нэьилиэгин олохтооҕо Харитонов Федот Петрович бэйэлэрин дири² ис хоһоонноох олус интэриэһинэй үлэлэрин сырдаттылар. Күнүскү омурҕан кэнниттэн уруок таһынан дьарыктар уонна сатабылы көрдөрүүлэр буоллулар.
Айан-күрэх түмүгүнэн аһаҕас уруок ыыппыт учууталлар бары улуус иһинэн опыты тарҕатыы туһунан туоһу сурук ыллылар. Уруок таьынан дьарыктарга уонна сатабылы көрдөрүүлэргэ маннык туоһу суруктары анаатылар:
Улуустааҕы методическай үлэ хомуурунньугар улэтин таһаарарга:
- Трофимова Валентина Устиновна, Тиэлиги ОО уруок таһынан дьарыксалайааччыта “Чыыбы-чаабы чабырҕах” 3 кылаас оҕолоругар аналлаах аһаҕас дьарык
- Кычкина Раиса Иннокентьевна, Наахара ОО биология учуутала “Чинчийэр үлэ нөҥүө оҕону патриотическай тыыҥҥа иитии”6 кылаас оҕолоругар аһаҕас дьарык
Опыты тарҕатыы бырааба:
- Шестакова Елена Михайловна, Бырама ОУ, уһуйаан иитээччитэ «Дыырай Бөҕө» олоҥхо дойдутун билиһиннэрии (сатабылы көрдөрүү)
- Горохова Саргылаана Андреевна, Чыамайыкы ОО, омук тылын учуутала “Омук тылын үөрэтэргэ ньымалар”
Айан-күрэх анал бэлиэтэ салгыы Төҥүлү методическай холбоьук учууталларыгар айаннаата.
|