Муус устар 20 күнүгэр, Төӊүлүтээҕи оҕону сайыннарар киинигэр, икки дьоhун хайысхалаах үлэ ыытылынна: улуус детсадтарын салайааччылыра оҕо сайдар эйгэтин тэрийиигэ усулуобуйа тула кэпсэттилэр, сыаналаатылар, аныгы оҕону иитиигэ, сайыннарыыга эйгэ хайдах буолуохтааҕар, хонтуруолу ыытыыга кэккэ сүбэлэри ыллылар.

Иккис хайысханан быйыл үрдүк категориялаах педагогтар Рожина Вера Егоровна, Сидорова Марфа Ивановна, Иванова Айталина Агитовна, Ощепкова Анастасия Ивановна, уонна музыкальнай салайааччы Федотова Сардана Николаевна аттестацияларын бигэргэтэр айар үлэлэрин оччуота улуус уһуйааннарын иитээччилэригэр анаан үлэлэрин үрдүк таһымнаахтык көрдөрдүлэр. Уопсайа тэрээһиҥҥэ 40 салайааччы уонна иитээччи кыттыыны ылла.

Кэлбит ыалдьыттар сарсыардаттан икки бөлөҕүнэн арахсан үлэлэрин саҕалаатылар: салайааччылар оҕо саадынан сылдьан, детсад историятын кэпсиир саӊа тэриллибит музейы, бөлөхтөрүнэн сайдар эйгэни көрдүлэр. Оҕолору, иитээччилэри кытта кэпсэтэн ФГОС ирдэбиллэригэр сөп тубэһэр анал сыаналыыр картаны толордулар, ол кэннэ бука бары түмсэн олорон үлэ хаамыытын ырыттылар, үрдүк таhымӊа сыаналаан биир санааҕа кэллилэр. Лекциялары «Оҕо сайдар эйгэтин тэрийиигэ - ирдэбиллэргэ сөп түбэhэн, үлэни толорууну сыаналааhын» тематынан детсад сүрүннүүр иитээччитэ Шестакова Саргылана Федоровна, саӊа киирэр федеральнай үөрэҕирии программатынан уонна ыытыллар үлэлэри улуустааҕы үөрэх управлениятын информационнай методическай отдел сүрүннүүр специалиһа Ларионова Мария Николаевна кэпсээтилэр.

Бу кэмӊэ иитээччилэргэ анаан аттестация ааhар өр сылларга айымньылаахтык үлэлээбит педагогтарбыт баай уопуттарыттан оҕону кытта бииргэ алтыһыы ньымаларын, сатабылларын көрдөрдүлэр:

• Рожина Вера Егоровна – «Аптаах сап» аралдьыйыыны «Эрэл» орто бөлөх оҕолоругар тэрийдэ, оҕолору сайыннарар, толкуйдуурга үөрэтэр саахымат, шашка хайысхатынан үлэтин уопутун маастар-кылааска көрдөрдө.
• Федотова Сардана Николаевна - «Музыкальный батл» олус сэргэх музыка дьарыгын “Өркөн” бэлэмнэнии бөлөх оҕолоругар ыытта. “Музыка для всех” проегынан үгүс өрүттээх үлэни тэрийэрин маастар кылааска көрдөрдө. 
• Сидорова Марфа Ивановна - М.Горькай «Барабыай оҕото» остуоруйатынан тыл сайдыытыгар дьарык «Сайдам» улахан бөлөх оҕолоругар ыытта. Оҕолорго төрөөбүт тылы, фольклорун билиһиннэриигэ «Чабырҕахтаан чаҕаарыаҕын, тылбытын сайыннарыаҕын» маастар кылааска көрдөрдө. 
• Иванова Айталина Агитовна - «Саванна олохтоохторо» бырайыагы түмүктүүр дьарыгы «Үрдэл» бэлэмнэнии бөлөх оҕолоругар ыытта. «Простые механизмы» оҕолорго уонна төрөппүттэргэ анаммыт оонньууларынан маастар кылаас ыытта.
• Ощепкова Анастасия Ивановна –«Тыал кистэлэнэ» бырайыагы түмүктүүр дьарыгы “Туйгун”  бөлөх оҕолоругар ыытта.  «Stop Motion Studio приложениянан анимация оҥоруу» теманан маастар кылааhы көрдөрдө.

Кэлбит ыалдьыттарбытыгар аттестация ааhар иитээччилэр бэлэмнээбит оҕолорун эҕэрдэ толорууларын: музыкальнай оркестыры, хоhооннору, чабырҕаҕы “Чобуо” фольклорнай студия оҕолоро, ону сэргэ “Масленница–девица” коллекцияны “Алтан чэчик” мода студиятын кыргыттара олус сэргэхтик көрдөрөн тэрээhини киэргэттилэр, көрөөччүлэри долгуттулар. Мустубут биир идэлээхтэрбит “Төгүрүк остуолга” олорон бу күӊӊэ билбиттэрин-көрбүттэрин олус астынан туран бэлиэтээтилэр махтаннылар, бэйэлэрин детсадтарыгар салгыы сайыннарар санаалаах тарҕастылар.