|Регистрация|Вход| Приветствую Вас Гость |RSS
РАЗДЕЛЫ
ДЛЯ ПЕДАГОГОВ
ДЛЯ ШКОЛЬНИКОВ
ОБЩЕСТВЕННЫЕ ОБЪЕДИНЕНИЯ
ГОРЯЧАЯ ЛИНИЯ
ТЕСТЫ
ФОРУМЫ
АРХИВ САЙТА
ПОИСК
Главная » 2015 » Апрель » 22 » Норуот педагогикатынан оҕону иитии
11:04
Норуот педагогикатынан оҕону иитии

Муус устар 10 күнүгэр Мэҥэ-Хаҥалас улууһун Бэдьимэ нэһилиэгэр үгэскэ кубулуйбут улуустааҕы төрөппүт Улахан Сүбэ мунньаҕа бэрт сэргэхтик, үрдүк тэрээһиннэхтик, киэҥ далааһыннаахтык буолан ааста. Тэрээһиҥҥэ улуус нэһилиэктэриттэн уопсайа 100-тэн тахса киһи кыттыыны ылла.

Күн бастакы аҥарыгар Педагогическай наука доктора, профессор, академик, ХИФУ педагогоческай институт кафедратын сэбиэдиссэйэ Н.Д.Неустроев аатынан 5-ис Неустроевскай ааҕыылар 4 хайысхаҕа арахсан секцияларынан ыытылыннылар. Бастакы хайысхаҕа «Ыал – олох төрдө» дьиэ кэргэҥҥэ норуот педагогикатынан иитии диэн темаҕа төрөппүттэр, социальнай педагогтар кыттыыллаах уопсайа 28 дакылаат истилиннэ. «Аныгы кэм сахалыы тыыннаах оскуолата» иккис хайысхаҕа оҕону сайыннарар эйгэни тэрийии темаҕа оскуола учууталлара, оҕону эбии үерэхтээһин педагогтара, куруһуок салайааччылара 19 дакылааты кемүскээтилэр. «Чулуу аҕалар холобурдара» уол оҕону иитии уратылара, үлэнэн иитии, толору дьиэ кэргэн-оҕо тулхадыйбат тирэҕэ үһүс хайысхаҕа аҕалар, эһээлэр, эр дьон учууталлар, иитээччилэр, библиотекардар, үөрэнээччилэр кыттыылаах уопсайа 33 дакылаат ааҕылынна. Төрдүс хайысхаҕа «Оҕону кыра сааһыттан таба иитии» теманан эдэр ийэлэр, оҕо саадын иитээччилэрэ, үлэһиттэрэ 21 дакылааты иһитиннэрдилэр. Үгэскэ кубулуйан ыытыллар тэрээһин сыллата формата уларыйан, ис хоһооно дириҥээн, суолтата үрдээн иһэрин, быйылгы тэрээһиҥҥэ үгүс аҕа кэлбитин тэрийээччилэр бэлиэтииллэр. Аныгы кэмҥэ оҕону иитиигэ анаммыт үгүс дьон интэриэһин тардар бииртэн биир сонун, ураты, хатыламмат дакылааттар истилиннилэр.

Күн иккис аҥарыгар Бэдьимэ культура-сынньалаҥ киинигэр Улуустааҕы Сүбэ мунньах пленарнай чааһа буолла. Улуус үөрэҕин управлениетын иитэр уонна эбии үөрэхтээһини сүрүннүүр отдел начальнига Нь.А.Варламова, педагогическай наука доктора, профессор, академик, ХИФУ педагогоческай институт кафедратын сэбиэдиссэйэ Н.Д.Неустроев, Дьиэ кэргэн педагога Аргунова Л.С, улуустааҕы координационнай сэбиэт бэрэссэдээтэлэ Р.К.Михайлов, улуустааҕы дьиэ кэргэн, ыччат политикатын управлениетын начальнига К.А.Захаров, «Бэдьимэ нэһилиэгэ» МТ баһылыга Ф.К.Баишев, Томтор нэһилиэгиттэн П.М.Тихонов, «Кэскил» оҕо киинин социальнай педагога Т.И.Артемьева «Норуот педагогикатынан оҕону иитии» темаҕа иһитиннэрии оҥордулар. Улуустааҕы Сүбэ мунньах чэрчитинэн бүгүҥҥү күҥҥэ оҕону иитиигэ, төрөппүт эппиэтинэһин үрдэтиигэ аһаҕас кэпсэтиилэр, онно сыһыаннаах ааҕыылар, бөлөҕүнэн үлэ түмүктэринэн резолюция ылылынна.

Зоя Герасимова. Оҕону эбии үөрэхтээһин киин педагог-тэрийээччитэ.

 

Просмотров: 775
Служебный вход
Логин:
Пароль:
АНОНСЫ
  • В разделе ДЛЯ ПЕДАГОГОВ КУРСЫ размещен план курсов ИРОиПК на октябрь 2017 г.
КАЛЕНДАРЬ
«  Апрель 2015  »
ПнВтСрЧтПтСбВс
  12345
6789101112
13141516171819
20212223242526
27282930

Горячая линия

Президент России

Президент Республики Саха (Якутия)

МР Мегино-Кангаласский улус

Наша новая школа

Наша новая школа - СКМО

Реском профсоюза РС(Я)

СТАТИСТИКА

Онлайн всего: 1
Гостей: 1
Пользователей: 0
Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Официальный информационный портал ГИА  Всероссийское движение За честный ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Министерство Образования и Науки РФ  Федеральная служба по надзору в сфере образования и науки  Федеральный центр тестирования  Федеральный институт педагогических измерений  Единое окно доступа к образовательным ресурсам  Всероссийский Интернет-педсовет  ИД Первое сентября 
МКУ "Мегино-Кангаласское районное управление образования" © 2009