|Регистрация|Вход| Приветствую Вас Гость |RSS
РАЗДЕЛЫ
ДЛЯ ПЕДАГОГОВ
ДЛЯ ШКОЛЬНИКОВ
ОБЩЕСТВЕННЫЕ ОБЪЕДИНЕНИЯ
ГОРЯЧАЯ ЛИНИЯ
ТЕСТЫ
ФОРУМЫ
АРХИВ САЙТА
ПОИСК
Главная » 2011 » Январь » 25 » На I Всероссийском съезде учителей математики
09:52
На I Всероссийском съезде учителей математики
      Алтынньы ый 28-30 күннэригэр Москвађа М.В.Ломоносов аатынан университетка I Бүтүн Россиятаађы математика учууталларын съезтэригэр улууспутуттан үһүө буолан кыттар дьоллоннубут. Бу сырыыбытын туһалаађы кытта дьүөрэлээн, биир нэдиэлэ инникилээн, «Өлүөнэ кыраайа» форум тэрийиитинэн, Москватаађы Н.Э.Бауман аатынан техническэй университетка кылгас болдьохтоох курска үөрэннибит. Курспут аата «Методика преподавания математики в классах с углубленным изучением математики» диэн.
     Бастаан курспутун тэрийбит университет туһунан кэпсиэм. Университет иһинэн үлэлиир «Центр маркетинга образовательных услуг» форуму кытта анал дуогабарынан, бу үөрэхпит бастакы эксперимент быһыытынан тэрилиннэ. 72 ч. объемнаах наһаа туһалаах курсу бардыбыт.
     Манна «Университет иннинээђи бэлэмнэнии» диэн анал киин баар эбит. Бу киин сылы быһа эһиилги набору таларга араас таһымнаах үлэни ыытар эбит. Холобур, профидьнай оскуолалар учууталларыгар методическай консультациялар, үөрэнээччилэргэ тестирование, күһүңңү уонна олунньутаађы олимпиадалар, ол түмүгүнэн «Инникигэ хардыы» олимпиадађа дьођурдаах ођолору талыы, кинилэргэ консультациялары тэрийии, «Профессор Жуковский» диэн күрэх. Биһигини ити программанан сөп түбэһиннэрэн үөрэттилэр. Барыта үөһэ этиллибит олимпиадалар задачаларын, В12, С1-С6 сорудахтарыгар майгынныыр задачалары ырыттыбыт. Өссө сыл устата үөрэнээччилэргэ университет лабораторияларынан экскурсиялар, аһађас аан күннэрэ, тематическай быыстапкалар ыытыллаллар эбит. Техническай кадрдарга наадыйар тэрилтэлэри, компаниялары кытта целевой үөрэхтээһиңңэ улахан үлэ ыытыллар эбит. Онон үөрэнээччилэр, 8 кылаастан сађалаан, университеты кытта, олимпиадаларга кыттан, талыахтаах специальностарын кытта араас таһымнаах айымньылаах үлэђэ кыттан эрдэттэн билсиһэллэр эбит. Ол иһин бу вузтарга чулуулартан чулуулар, үрдүк сыалы ситиһэргэ сорук туруоруммут ыччаттар үөрэнэ киирэллэр эбит. Дэлэђэ дађаны, МГТУ девиһэ «Мудрость Гордость Творчество Упорство» диэн расшифровкаланыа дуо? Биһиги биир нэдиэлэ МГТУ студеннарын кытта биир дьиэђэ үөрэнэн, биир салгынынан тыынан, ону илэ харахпытынан итэђэйдибит. Быйыл, 2010 сылга, МГТУ 180 сыллаах юбилейын көрсүбүт. Бу сыллар устата 200 тыһ. тахса үрдүк квалификациялаах специалистары бэлэмнээбит. Аан дойду барыта билэр дьонноро С.П.Королев, В.Г.Шухов, А.Н.Туполев, Н.А.Доллежаль о.д.а. – университет выпускниктара. «Выдающиеся бауманцы» диэн улахан стендэђэ бу ааттаммыт аатырбыт конструктордары кытта тэбис тэңңэ биһиги биир дойдулаахпыт, сахалартан бастакы академик В.П.Ларионов аата ааттаммытын көрөн, киэн тутуннубут, долгуйдубут. «Коммерсант Деньги» диэн сурунаал түмүк оңорбутунан, МГТУ выпускниктара инникитин үлэлээх буолууларын рейтиңэ саамай үрдүк кэккэђэ турар эбит.Выпускниктар Россия уонна омук сирдэрин бөдөң фирмаларыгар (Газпром, Роскосмос курдук) ирдэнэр үлэһиттэр эбит, байыаннай техника саңа образецтарын оңорууга хайаан да бауменецтары бастакы уочарат үлэђэ ылаллар. Уопсайынан, бауманцы конкурентноспособны и востребованы на рынке труда диэн этэллэр. Барыта 14 факультетка, 1 кафедрађа 82 специальностка үөрэтэллэр эбит. Бүлүү, Нам гимназияларын бүтэрбит ођолор ситиһиилээхтик үөрэнэ сылдьалларын учууталлара көрүстүлэр. Мин билэрбинэн, Дьокуускай куорат 14 №-дээх оскуолата ођолору кэтэхтэн олимпиадађа кытыннарар. Форум МГТУ–ну кытта бииргэ үлэлиир биир саңа бырайыагынан 2010-2011 үө.дь. университет «Академия юных» программатыгар Саха сирин үөрэнээччилэрэ кыттыылара буолуођа диэн форум научнай үлэђэ салайааччыта Т.Н. Попова кэпсээтэ.
     Онтон 3 хонук I Бүтүн Россиятаађы математика учууталларын съеһигэр улууспут аатыттан делегат быһыытынан кытынныбыт (мин, Т.П.Ефимова - Бүтэйдээх, Т.С.Попова - Майа гимназията). Съезкэ курстаммыт 13 учууталы таһынан Дьокуускай куорат учууталлара, СВФУ ИМИ преподавателлэрэ кытыннылар. Съезд МГУ көђүлээһининэн, РФ наукађа уонна үөрэхтээһиңңэ минирстерствота тэрийиитинэн ыытылынна. Күн аңара пленарнай чааска университет механико-математическай факультетын профессордарын дакылааттара, күн аңара секциянан үлэлэр, төгүрүк остуоллар тэрилиннилэр. Барыта 1218 делегат Россия 75 субъектарыттан, Белоруссияттан, Украинаттан, Азербайджантан, Арменияттан, Узбекистантан, Туркменияттан, Монголияттан, Финляндияттан, Швецияттан, Сирияттан, Израильтан, США-тан кыттыыны ыллылар. МГУ ректора, академик В.А.Садовничий «О математике и ее преподавании в школе» диэн сүрүн дакылаата болђомтону тарта. Дакылаат 3 чаастан турда. Бастаан Россия математикатын историята, онтон математика сайдыытын аныгы сађахтара, үсүһүнэн математическай үөрэхтээһин проблемаларыгар тохтоото. Манна Садовничий биир кэпсээнтэн сађалаата. Россияђа төрөөбүт, үөскээбит, билигин Америкађа олорор ахсаан учуутала «Классная Америка. Шокирующие будни американской школы. Записки учителя» диэн кинигэтигэр эппит, Америкађа ирдэнэр, үөрэнии процеһыттан ођо дуоһуйууну ылыахтаах, үөрэтии кэрэхсэбиллээх, ођону улахан толкуйга түһэрбэт, күүһүлээһинэ суох буолуохтаах.
    Ол түмүгэр, Америкађа 5+(-3) диэн холобуру 8 кылаас үөрэнээччитэ ыарырђатар эбит. Ол оннугар, финансовай грамотноска улахан болђомто ууруллар эбит. Холобур, банковскай картанан туттарга, ону аһарга–сабарга, сөптөөхтүк хонтуруоллуурга ођо начальнай кылааска үөрэнэр эбит. Счетка төһө харчыны укпутун, ону төһөтүн тутуннађына, төһөтүн хааллардађына, барыстаах буолуођун математика уруогар сиһилии үөрэтэллэр, саамай кырата хамнаһын онус чааһын ый аайы ууран иһиэхтээххин диэн өйдөбүлгэ Америка үөрэнээччитэ кыра сааһыттан иитиллэр. Онтон биһиэхэ хайдађый? Математика уруогар сылын аайы ыараатар ыараан иһэр программа, ол түмүгэр 11 сылы быһа математикађа үөрэммитин олоххо кыайан туһаммат, математика диэн тылтан куттанар, предмети сөбүлээбэт ођолор ахсааннара элбээн иһэр. Математика фундаментальнай дисциплина быһыытынан бүгүн менеджмент, право курдук ирдэнэр идэ буолбатах. Ол иһин вузтарга математика факультеттарыгар конкурс сылын аайы намтыыр, бу математика учуутала престиһа намтыырыгар, эбэтэр кини профессиональнай таһыма түһэригэр тириэртэ диэн В.А.Садовничий бэлиэтээн эттэ. Математическай ҮҮӨЗ (ол иһигэр педагогическай) саамай талааннаах выпускниктара оскуолађа барбаттар. Ол түмүгэр дойду интелектуальнай тонуһа түһэр.
     Бүгүңңү оскуола үөрэнээччини дьиңнээх дириң билиини биэрэргэ буолбакка, ЕГЭ-ђэ бэлэмнииргэ, үрдүк үөрэххэ киириигэ бэлэмнииргэ саамай улахан болђомтотун уурар буолла. Ону утарарын эттэ. Математика уруоктарыгар ођону толкуйдуурга, анализтыырга, дакаастыырга үөрэтиэхтээхпит. Задачаны сөпкө туруорарга, саамай табыгастаах ньыманы туһанан эппиэти буларга дьарыктыахтаахпыт.
     Бары оскуолалары профильга киллэриини утарарын эттэ. Россияђа 42 тыһ. кыра тыа оскуолалара бааллар, онно профили күүһүлээн киллэрии туох да туһаны ађалыа суођа. Бу оскуолаларга сөптөөх база, сөптөөх кадр баар дуо? Математиканы үөрэтэргэ икки сыһыан баар буолуохтаах: математика для всех (80-85%), математика для будущих исследователей (15-20%). Син биир билиңңи базиснай, профильнай курдук. Дириңэтэн үөрэтии өйдөнөр. Син биир билигин баар курдук профильнай кылаастар, киэн программа, олимпиадалар. Атын ирдэбил маассабай оскуолаларга туруохтаах.Манна математическай культура саамай сүрүнүн баһылаан туран, техническай үөрэхтээһин саамай наадалаах таһымын үөрэнээччи билиэхтээх диэн ирдэбил туруохтаах. Холобур, 2010 сылга ЕГЭ В12 сорудађар бэриллибит маннык задачаны: Из пункта А в пункт В, расстояние между которыми 60 км, одновременно выехали мотоциклист и велосипедист. Известно, что за час мотоциклист проезжает на 50 км больше, чем велосипедист. Определите скорость велосипедиста, если известно, что он прибыл в В на 5 часов позднее мотоциклиста. 840 тыһ. ЕГЭ–ни толорбут ођоттон 500 тыһ. ођо кыайбатах. Ол аата, В.А.Садовничий ирдэбилинэн, базиснай программанан үөрэммит общеобразовательнай оскуола выпускнигын В час 12 сорудађын барытын сөпкө толорор гына үөрэтиэхтээх эбиппит, онтон үрдүк планка ирдэммэт.
     2009 сыллаахха ылыллыбыт начальнай үөрэхтээһин саңа стандартыгар тохтоото. Математика информатиканы кытта бииргэ көрүллүбүтүн олох сыыһа диир. Сүппүт икки чааһы төнүннэриэххэ наада диир.
     ЕГЭ 2011 сылга икки таһымнаах ыытылларын ситистибит диир, базовай уонна профильнай.
     I съезкэ наһаа элбэх делегат кэлбититтэн үөрбүтүн бэлиэтээтэ. МГУ маннык съезтэрин элбэхтик ыытарга интэриэстээђин бэлиэтээтэ. Эһиил физика учууталларын, онтон биология, онтон химия, онтон эмиэ эргийэн математика учууталларын съезтэрин ыытарга былаанныыллар эбит. Виктор Антонович РФ үөрэђин министерсвтотыгар эппит тыла сыаналанарын, ол иһин элбэхтик мөккүһүүлэргэ кыттан биир өйдөбүлгэ кэлэн наадалаах резолюциялары ылынын, ону мин тириэрдиэм диэн эттэ. Россия үөрэђириитин академиятын президена, академик Н.Д.Никандров этиитин болђойдум. Кини дакылаата «Учитель как воспитатель» диэн темађа этэ. Иитии үлэтигэр математика учууталын суолтата наһаа улахан, тођо диэтэххэ ођо математикађа 11 сылы быһа үөрэнэр, математика уруоктарын чааһа элбэх, онон математика учуутала атын предметник учууталлардаађар ођолору кытта элбэхтик алтыһар. Онон кини ођођо олох уруогун биэрээччинэн, холобурунан буолуохтаах диэн этиитэ биһигини толкуйдатыахтаах.
     Икки күннээх үлэ, мөккүһүү түмүгэр ылыллыбыт I Бүтүн Россиятаађы математика учууталларын съезтэрин резолюцията: (сүрүннэрэ)
1. Съезд бэлиэтиир: орто оскуола выпускнигын математикађа бэлэмэ намтаабытын, ол Россия үрдүк квалификациялаах кадры бэлэмниир таһымыгар кутталы үөскэтэрин.
2. Съезд ыйар: математическай үөрэхтээһин хаачыстыбата намтааһынын сүрүн биричиинэлэрэ:
- математика уруоктарын чаастара ађыйааһына;
- ЕГЭ форматынан итоговай аттестацияны уонна үөрэххэ туттарсан киириини биир оңоруу;
- ЕГЭ түмүктэринэн учуутал үлэтин сыаналааһын, үлэ саңа төлөбүрүгэр итэђэстэр.
3. Съезд саамай наадалаађынан аађар: учуутал государственнай статуһун үрдэтиини (үлэлиир усулуобуйатын тупсарыы, хамнаһын үрдэтии, үлэтин сыаналааһын систематын модернизациялааһын, отчуоттуур систематын судургутутуу, учуутал идэтигэр сыһыаны государственнай миссияђа кубулутуу).
4. ЕГЭ-ђэ сыһыаннаах съезд этиилэрэ:
- итоговай аттестацияны уонна үөрэххэ туттарсыыны араарыы;
- урукку сыллаах ЕГЭ сорудахтарын публикациялаан иһии;
- ЕГЭ-ни икки таһымынан ыытарга: базовай уонна профильнай.
5. Үөрэх саңа стандартарын ылынарга съезд этиилэрэ:
- ыксаамыахха;
- бары киирэр стандартарга общественность кыттааһыннаах профессиональнай экспертизатын ыытарга;
- үөрэнээччи билиитин, сатабылын көрдөрүүтүн ирдэбилэ чуолкай (холобур, маннык типтээх задачаны маннык кылааска билэр буолуохтаах), конкретнай буолуохтаах.
6. Съезд дьођурдаах ођолору кытта үлэђэ этэр:
- дьођурдаах ођолору кытта үлэ систематын сайыннарарга;
- математика олимпиадаларын өй күрэђин бырааһынньыгын курдук тэрийэргэ;
- федеральнай таһымңа бу үлэни өйүүргэ.
7. Саңа учебниктары киллэрэргэ съезд этэр:
- хас биирдии саңа учебник компетентнай общественнай экспертизаны ааһыахтаах;
- учебник хас да оскуолађа ситиһиилээхтик апробацияны ааспытын эрэ кэннэ «допущен» диэн гриф туруохтаах.
     50 тыһ. студент үөрэнэр дойду саамай улахан университетын салайааччыта түбүктээх үлэтиттэн быыс булан, математическай үөрэхтээһин проблемаларын ырытан, ону туоратарга дьиңнээх үлэлии сылдьар учууталлары түмэн, сүбэлэһэн биир түмүккэ кэлэн туруорсара, бу кини дойдутун дьиңнээх патриота буоларын туоһулуур.
     Түмүкпэр, дойдубут дьоһуннаах икки үөрэх заведенияларыгар тиийэн үөрэнэрбитин, биир идэлээхтэрбитин кытта алтыһан кэлэрбитин тэрийбит улууһум үөрэђин управлениятыгар (нач. М.Н.Колмаков), оскуолам администрациятыгар (дир. В.Е.Сотников) ис сүрэхпиттэн махтанабын.

С.А.Габышева,
Мэңэ-Хаңалас Балыктаах орто оскуолатын
математикађа учуутала

Съезд матырыйаалларын math-congress-2010.msu.ru сайка көр.
Просмотров: 843
Служебный вход
Логин:
Пароль:
АНОНСЫ
  • В разделе ЛЕТНИЙ ОТДЫХ ДЕТЕЙ размещены новые Приказы
  • В разделе ГИА размещен приказ МО РС(Я)
КАЛЕНДАРЬ
«  Январь 2011  »
ПнВтСрЧтПтСбВс
     12
3456789
10111213141516
17181920212223
24252627282930
31

Горячая линия

Президент России

Президент Республики Саха (Якутия)

МР Мегино-Кангаласский улус

Наша новая школа

Наша новая школа - СКМО

Реском профсоюза РС(Я)

СТАТИСТИКА

Онлайн всего: 1
Гостей: 1
Пользователей: 0
Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Официальный информационный портал ГИА  Всероссийское движение За честный ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Министерство Образования и Науки РФ  Федеральная служба по надзору в сфере образования и науки  Федеральный центр тестирования  Федеральный институт педагогических измерений  Единое окно доступа к образовательным ресурсам  Всероссийский Интернет-педсовет  ИД Первое сентября 
МКУ "Мегино-Кангаласское районное управление образования" © 2009