Муус устар 7 күнүгэр Аллараа Бэстээххэ транспортнай техникумҥа «Гавриил Колесов саха олоҥхотун тарҕатыыга уонна үйэтитиигэ кылаата» республикатааҕы научнай-практическай конференция буолан ааста. Бу күн Дьокуускай куораттан, 12 улуустан уопсайа 300-тэн тахса киһи кыттыыны ылла.
Уопсайа 9 олук үлэлээтэ. Ол иһигэр, билиҥҥи кэмҥэ олоҥхону толорооччу, айааччы дьон таһымнара, репертуардара (удьуордааһын, утумнааһын, республикаҕа ыытыллар үгэс буолбут күөн күрэстэр, фестиваллар уопуттара); түөлбэ, улуус иһигэр олоҥхону үөрэтии, уһуйуу, тарҕатыы үөрүйэхтэрин билиҥҥи кэмҥэ туруга, инники соруга (оҕо саадтара, оскуола, орто, үрдүк үөрэх кыһалара) олуктары улуустааҕы үөрэх салалтата, оҕону эбии үөрэхтээһин киинэ тэрийэн ыыттылар. Күн иккис аҥарыгар аһаҕас санаа үллэстиитэ, резолюция ылыныы, конференция үлэтин түмүктээһин буолла.
Надежда Федорова
,
|