Сэтинньи 10-11 күннэригэр С.З.Борисов аатынан Тыыллыма орто оскуолатыгар, Ю.П.Баишев аатынан спорт саалатыгар “Мини-футбол - в школу” Всероссийскай программаҕа киирбит күрэхтэһии чэрчитинэн, 2006-2007 с.т. уонна 2004-2005 с.т. оҕолорго Мэҥэ-Хаҥалас улууһун футболга күрэхтэһиитэ буолан ааста.
Икки күннээх күрэхтэһиигэ, оскуолалар бары кэриэтэ хамаанданан, уопсайа икки сүүстэн тахса үөрэнээччи кэлэн кыттыыны ыллылар. 2006-2007 с.т. уопсай түмүккэ 1 миэстэ Тумул орто оскуолата, 2 миэстэ В.П.Ларионов аатынан Майа орто оскуолата, 3 миэстэ Павловскай орто оскуолата буоллулар. 2004-2005 с.т. 1 миэстэ Төҥүлү орто оскуолата, 2 миэстэ С.З.Борисов аатынан Тыыллыма орто оскуолата, 3 миэстэ В.П.Ларионов аатынан Майа орто оскуолата буоллулар. Кыайбыт Тумул, Төҥүлү оскуолаларын хамаандалара улууспут чиэһин Республиканскай “Мишка” күрэхтэһиигэ көмүскүөхтэрэ.
Салҕыы улахан саастаах оҕолорго күрэхтэһиилэр күүтэллэр.
|