Кулун тутар 18 күнүгэр Мэҥэ-Хаҥалас улууһун үөрэҕириитин ситимигэр Оҕо көҕүлээһинин сылын чэрчитинэн Чүүйэ нэһилиэгэр «Мин эйгэм» социальнай бырайыактары көрүүгэ фестиваль буолан ааста. Фестиваль Ходоро нэһилиэгин баһылыга А.К.Васильев, Мэҥэ-Хаҥалас улууһун баһылыгы социальнай боппуруостарга солбуйааччы И.П.Птицын, үөрэх салалтатын начальнига И.В.Черкашина, «Үрдэл» оҕо тэрилтэтин лидера, Майа лицейын үөрэнээччитэ Илья Шарин эҕэрдэ тылларынан арылынна.
Улууспут 20 оскуолатыттан 11 хайысханан 87 бырайыагы үөрэнээччилэр экспертнай хамыыһыйа иннигэр көмүскээтилэр. Экспертнай хамыыһыйаҕа идэтийбит үлэһиттэр, улууспут тэрилтэлэрин салайааччылара үлэлээтилэр. Ону тэҥэ оҕо тэрилтэтин үлэтин сырдатар, кэпсиир быыстапка турда. Ол курдук кыайыылаахтарынан буоллулар:
- «Я - рыцарь пера» орбитаҕа Илларионова Эльза (Чүүйэ орто оскуолатын 8 кыл.)
- «Я – юный вожатый» Егорова Аня (Аллара Бэстээх №1оскуолата)
- «Я – наследник земли Олонхо» Митрофанов Рудик (В.П.Ларионов аат. Майа орто оскуолата)
- «Я – юный эколог» Сергучева Алтана (Майа лицейэ)
- «Я - творец добра» Громова Дайаана, Семенова Маша (Аллара Бэстээх №1 оскуолата)
- «Я – юный предприниматель» Находкин Андрей (Матта орто оскуолата)
- «Я – кузнец творчества» Огонеров Дьулуур (Павловскай орто оскуолата)
- «Я - юный правовед» Шарин Илья (Майа лицейэ)
Бырайыак көмүскээһинин кэннэ улуус общественноһын кытта пресс-конференция тэрилиннэ. Пресс-конференцияҕа Майа сэлиэнньэтин баһылыгын солбуйааччыта К.Г.Нестеров, эдэр ыччат уонна дьиэ кэргэн политикатын салайааччыта Назарова Ирина Егоровна, Хара нэһилиэгин баһылыга Назарова Дария Ивановна, айылҕа харыстабылын инспекциятын салайааччыта Романов Андрей Лаврентьевич, улуустааҕы үэрэҕирии салалтатын начальнига Черкашина Ирина Васильевна кыттыыны ыллылар. Бу көрсүһүүгэ корреспондент оҕолор үгүс ыйытыктары биэрдилэр, икки өттүттэн таһаарылаах кэпсэтии ыытылынна.
Күн иккис аҥарыгар Чүүйэ орто оскуолатыгар көрдөөх оонньуулар, аралдьытар тэрээһин, флешмоб тэрилиннэ. Улууспут үөрэнээччилэрэ астынан, дуоһуйан, активнайдык кыттан тарҕастылар. «Мин эйгэм» фестиваль түмүгүнэн кыайылаахтар республикатааҕы тэрээһиҥҥэ улууспут чиэһин көмүскүөхтэрэ.
Кыайыылаахтарга улууспут тэрилтэлэрин аатыттан өйдөбүнньүк бэлэхтэр, туоһу суруктар туттарылыннылар. Күүс көмө буолбут олохтоох дьаһалта баһылыктарыгар (Свинобоев Мирон Анатольевич, Назарова Дария Ивановна, Новгородов Иван Иванович, Васильев Алексей Коркинович, Плотников Анатолий Петрович, Федоров Федор Лазаревич уо.д.а.), салайааччыларга (Романов Андрей Лаврентьевич, Назарова Ирина Егоровна, Брызгалов Александр Романович), бэтэрээннэр сэбиэттэрин салайааччыта Максимова Маргарита Михайловнаҕа уонна кэлэн кыттыыны ылбыт дьоммутугар махталбытын тиэрдэбит. Кэлэр кэнчээри ыччаппыт сайдарын туһугар бары биир санаанан салайтаран үлэлиэҕиҥ!
|