Олунньу ый 8 күнүгэр 2019 с. В.В. Скрябин аатынан Чүүйэ орто оскуолатыгар СР норуотун хаһаайыстыбатын үөтүөлээх үлэһитэ, Хаҥалас уонна Мэҥэ-Хаҥалас улуустарын бочуоттаах гражданина, СР Санкт-Петербург куоракка бэрэстэбиитэлэ Василий Васильевич Скрябин төрөөбүтэ 75 сылыгар аналлаах «Мин – Баһылыкпын» (Я – будущий Глава») диэн ааттаах улуустааҕы проектар күрэхтэһиилэрэ буолан ааста. Чүүйэ, Павловскай, Хара, Чыамайыкы, Бэдьимэ, Хаптаҕай, Төҥүлү, Аллараа Бэстээх 1, Майа лицейын оҕолоро кэлэн бэйэлэрин проектарынан күрэхтэһии кыттыылаахтара буоллулар.

Күрэхтэһии сонун уонна саҥа көстүүтүнэн нэһилиэк баһылыктара нэһилиэктэрин үөрэнээччилэрин кытта бииргэ проект көмүскээтилэр, ол курдук Бэдьимэ нэһилиэгин баһылыга Баишев Федор Константинович, Төҥүлү нэһилиэгин баһылыга Данилов Гаврил Гаврильевич, Хара нэһилиэгин баһылыга Назарова Дария Ивановна, Чүүйэттэн баһылык солбуйааччыта Тимофеева Мария Николаевна, күрэхтэһиини олус киэргэттилэр, Хаптаҕай нэһилиэгин баһылыга Гаврильева Екатерина Романовна оҕолорун өйөөн кыттыыны ылла.

Күрэхтэһии экспертарынан Васильев А.К. Ходоро нэһилиэгин баһылыга, Новгородов И.И. Догдоҥо нэһилиэгин баһылыга, Назарова Д.И. Хара нэһилиэгин баһылыга, Гаврильева Е.Р. Хаптаҕай нэһилиэгин баһылыга, Андреев П.П. улуус мунньаҕын депутата, Скрябиннар аймахтан Охлопкова Е.Н. үлэлээтилэр.

Күн бастакы аҥарыгар оҕолор проектарын көмүскээтилэр, түмүккэ

«Социокультура» хайысхаҕа маннык үлэлэр биһирэннилэр, 1 миэстэни «Увековечение исторических лиц» диэн үлэтинэн Илларионова Эльза В.В. Скрябин аатынан Чүүйэ орто оскуолатын 10 кылааһын үөрэнээччитэ ылла, 2 миэстэҕэ Бэдьимэ орто оскуолатын 9 кылааһын үөрэнээччитэ Корякин Айсен «Ааҕыы сайдыы төрдө» диэн үлэтинэн таҕыста, 3 миэстэни А.С. Шахурдин аатынан Төҥүлү орто оскуолатын 9 кылааһын үөрэнээччитэ Саввин Тулуйхан «Үс кут» үлэтэ ылла.

«Благоустройство села», «Занятость населения» хайысхаҕа 1 миэстэни В.В. Скрябин аатынан Чүүйэ орто оскуолатын 9 кылааһын үөрэнээччитэ Порядина Айза «Благоустройство центра села Чюйя» үлэтэ, 2 миэстэни К.Алексеев аатына Хаптаҕай оскуолтатыттан Винокурова Уйгууна 10 кылаас, Иванова Марина 10 кылаас, Васильева Карина 7 кылаас «Спортивно-игровая площадка для подростков» диэн ааттаах кыттыгас үлэлэрэ буолла, 3 миэстэҕэ В.В. Скрябин аатынан Чүүйэ орто оскуолатын 8 кылааһын үөрэнээччитэ Илларионов Эрхан «Зимняя теплица» үлэтинэн тигистэ.

«Развитие спорта, туризма в наслеге» хайысхаҕа» 1 миэстэни В.В. Скрябин аатынан Чүүйэ орто оскуолатын 9 кылааһын үөрэнээччитэ Никифорова Катя «Манчаары ааттаах суолунан» үлэтэ ылла, 2 миэстэни В.В. Скрябин аатынан Чүүйэ орто оскуолатын 8 кылааһын үөрэнээччитэ Брызгалов Ариан «Развитие спорта в наслеге» ылла, 3 миэстэҕэ Майа лицейыттан «Спортивный олимп» диэн үлэтинэн 8 кылаас үөрэнээччитэ Попова Лиана буолла.

Күн иккис аҥаарыгар «Форсайт – сессия» түһүмэххэ оҕолор 4 бөлөххө хайдыһан Мэҥэ – Хаҥаласка Иитии концепцията 2018-2021 сыл 6 хайысхаларыттан биирдии хайысханы талан проект оҥордулар, ол бириэмэҕэ нэһилиэк баһылыктара, оскуола учууталлара кыттыылаах иитии концепциятын тула төгүрүк остуол тэрилиннэ, баһылыктар уонна учууталлар оҕону, дьиэ кэргэни иитии боппуруостарыгар санаа атастастылар.

Түһүмэх түмүгүнэн Иванова Марина, Винокурова Уйгууна Хаптаҕай оскуолатыттан, Илларионов Эрхан Чүүйэ, Васильев Саша, Тимофеев Сережа Павловскай оскуолаларыттан турбут «Кыһыллар» хамаандалара кыайыылаах буолла.

Күрэх түмүгүнэн анал номинациалар олохтоннулар ол курдук «Лучшее практическое решение» номинация хаһаайынынан «Нэһилиэккэ түөлбэннэн үлэни саҥалыы ыытан тэрийии» диэн проектаах И.Г. Игнатьев аатынан Хара орто оскуолатын 8 кылааһын үөрэнээччитэ Марков Афоня буолла, «Лучшая идея» номинацияҕа Бэдьимэ орто оскуолатын 9 кылааһын үөрэнээччитэ Корякин Айсен «Ааҕыы сайдыы төрдө» үлэтэ биһирэннэ, «Лучший менеджер» номинация «Үс кут» киинэ нэһилиэк сайдыытын оҥкула» диэн үлэтинэн А.С. Шахурдин аатынан Төҥлү орто оскуолатын 9 кылааһын үөрэнээччитэ Саввин Тулуйхан ааттанна, «Абсолютный победитель» номинацияны В.В. Скрябин аатынан Чүүйэ орто оскуолатын 10 кылааһын үөрэнээччитэ Илларионова Эльза «Увековечение исторических лиц» үлэтинэн кыайыылаах аатын ылла. Түмүккэ Василий Васильевич кэргэниттэн Скрябина Фаина Илларионовнаттан, төрөппүт оҕолоруттан анал бирииһи Чүүйэ орто оскуолатын 10 кылааһын үөрэнээччитигэр Семенова Аэлитаҕа Евгений Васильевич Скрябин туттарда.