Кулун тутар 29-31 күннэригэр Алтай республикатыгар Горно-Алтайск куоракка түүр тыллаах регионнарга иккис төгүлүн олимпиада ыытылынна. Былырыын кэтэхтэн буолбут эбит буоллаҕына, быйыл оҕолор күөн көрсөн билиилэрин тургутустулар.

"Межрегиональная олимпиада по родным языкам народов Сибири и Дальнего Востока" 1 этабыгар 7 регионтан ( Алтай, Бурятия, Башкортостан, Хакасия, Тыва, Татарстан, Хакасия, Саха сирэ) 300 чэкэ оҕо кыттыбытыттан, үрдүк рейтиннээх 30 оҕону очнай этапка ыҥырбыттара. Саха сириттэн: Мэҥэ-Хаҥалас улууһун К.О.Гаврилов аатынан Бүтэйдээх орто оскуолатын 11 кылааһын үөрэнээччитэ Семенова Наташа (учуутала – Борисова Алина Николаевна), Чурапчы улууһун С.К.Макаров аатынан Чурапчы гимназиятыттан 9 кылаас үөрэнээччитэ Слепцова Света уонна Сунтаар улууһун Аллыҥа орто оскуолатын 11 кылааһын үөрэнээччитэ Саввинова Настя өрөспүүбүлүкэлэрин чиэһин көмүскээн кэллилэр. Олус үрдүк таһымнаах тэрээһин буолан ааста. Оҕолор икки этапка күрэхтэстилэр: 1) Проект көмүскээһинэ, 2) Уус-уран айымньыны ырытыы. Фил.наука кандидаттара, үөрэх министерствотыттан уопсайа 8 киһи дьүүллээтэ.

Уопсай түмүккэ: икки этап түмүгүнэн наҕараадалааһыҥҥа 3 миэстэни Семенова Наташа ылла, иккис миэстэни Алтай үөрэнээччитэ, 1 м-Башкортостан оҕото. 10 бастыҥ проектаах оҕолорго номинация туттардылар, Чурапчы гимназиятын үөрэнээччитэ Слепцова Света "За первые шаги в науку" анал ааты ылла.

Учууталларга аналлаах «Героический эпос» төгүрүк остуол ыытылынна. Экскурсияҕа, музейга сырытыннардылар.

К.О. Гаврилов аатынан Бүтэйдээх орто оскуолата.