|Регистрация|Вход| Приветствую Вас Гость |RSS
РАЗДЕЛЫ
ДЛЯ ПЕДАГОГОВ
ДЛЯ ШКОЛЬНИКОВ
ОБЩЕСТВЕННЫЕ ОБЪЕДИНЕНИЯ
ГОРЯЧАЯ ЛИНИЯ
ТЕСТЫ
ФОРУМЫ
АРХИВ САЙТА
ПОИСК
Главная » 2018 » Апрель » 7 » Мэҥэ-Хаҥаласка «Төрөппүт сүбэтэ» общественнай тэрилтэ тэрилиннэ
09:50
Мэҥэ-Хаҥаласка «Төрөппүт сүбэтэ» общественнай тэрилтэ тэрилиннэ

Муус устар 6 күнүгэр Мэҥэ-Хаҥалас улууһугар Майаҕа Р.Г.Васильев аатынан кыраайы үөрэтэр музейга үөрэҕирии салалтата тэрийиитинэн Мэҥэ-Хаҥалас улууһун төрөппүттэрин сүбэ-мунньаҕын ыыттылар.

Бастатан үөрэҕирии салалтатын иитэр үлэҕэ салаатын үлэтин туһунан сиһилии отдел начальнига Марианна Билюкина иһитиннэрии оҥордо. Үөрэх эйгэтин иһинэн төрөппүтү кытта үлэни тэрийии, иитиигэ көстөр кыһалҕаларга тохтоото, сүрүн хайысхалары билиһиннэрэн туох үлэ-хамнас ыытылларын кэпсээтэ. Сокуоннай саастарын туола илик оҕолор буруйу кэһиилэрин туһунан бүгүҥҥү күҥҥэ бүрүүкээбит, хомойуох иһин кыыс оҕо өртүттэн буруйу кэһии көрдөрүү сыыппарата улаата турарын бу салааны сүрүннүүр отдел специалиһа Ньургуяна Варламова чахчыларга олоҕуран иһитиннэрдэ. Күн бүгүн оҕолорбут аһыы итирдэр утаҕы иһиилэрэ, ордук кыргыттар охсуһуулара бэлиэтэнэр. Бу көстүү барыта дьиэ кэргэнтэн тахсарын бары төрөппүт өйдүөх тустааҕын тоһоҕолоон бэлиэтиир тоҕоостоох.

«Кэскил» киин психолога Нина Слободчикова билиҥҥи кэмҥэ оҕо-ыччат, төрөппүт, уһуйааччы олоххо сыаннастара тиэмэни таарыйда. Күн бүгүн оҕолор, төрөппүттэр, педагогтар уонна учууталлар ханнык олох сыаннастарын ордук чорботоллорун итиэннэ ханныктары кэнники миэстэҕэ туталларын холобурдаата.

Бэдьимэттэн кэлбит оскуола төрөппүттэрин кэмитиэтэ бу күн сарсыардаттан музей дьиэтигэр алгыстаах алаадьы астаан ыалдьыттары, сүбэ-мунньах кыттыылаахтарын күндүлээтилэр, алаадьы сытынан ыраастаан арчылаатылар. Бэдьимэ нэһилиэгэр хаһыс да сылын Бэдьимэ орто оскуолата, нэһилиэк салалтата, нэһилиэк түөлбэлэрэ кыттыһан нэһилиэккэ иитэр эйгэни тэрийиигэ «Дьөһүөл» тосхолу үлэлэтэн биир ситимнээхтик оҕо иитиитигэр үлэлиир баай уопуттарын дириэктэри иитэр-үөрэтэр үлэҕэ солбуйааччы Екатерина Попова уонна төрөппүттэр кэпсээтилэр.

Павловскай орто оскуолатын дириэктэрин иитэр-үөрэтэр үлэҕэ солбуйааччыта Татьяна Оконешникова Нөөрүктээйи нэһилиэгэр биир кэлим иитии ситимин тэрийии туһунан сиһилии кэпсээтэ.

«Төрүччү педагогикатын» туһунан дьиэ кэргэн педагога Любовь Платонова ыал буолбут ийэ, аҕа аатын сүкпүт дьиэ кэргэн ким туһугар олорорун- кинилэр сиэннэрин тустарыгар олоруохтаахтарын, өбүгэлэр оҕону иитигэ мындыр ньымаларын, норуот педагогикатын, оҕо төрөөтөҕүнэ ийэтин эбэтэр аҕатын төрүттэринэн баран кимиэхэ майгылыыр буоларын туһунан бэрт интэриэһинэй кэпсэтиини таһаарда.

Сүбэ-мунньах түмүгүнэн улуустааҕы төрөппүт сүбэтин таллылар. Төрөппүт сүбэтигэр Аллараа Бэстээхтэн Сергей Федорович Шарины, Нөөрүктээйиттэн Ирина Николаевна Кириллинаны, Майаттан Анна Владимировна Тарасованы уонна Зоя Афанасьевна Герасимованы таллылар. Мэҥэ-Хаҥалас улууһун үөрэҕирии управлениетын иһинэн тэриллибит саҥа улуустааҕы дьиэ кэргэн сүбэтэ общественнай тэрилтэ тэриллэн оҕону иитиигэ төрөппүтү кытары үлэҕэ үлэтин саҕалыаҕа.

Зоя ГЕРАСИМОВА

Просмотров: 120
Служебный вход
Логин:
Пароль:
АНОНСЫ
  • В разделе ДЛЯ ШКОЛЬНИКОВ-ОЛИМПИАДЫ> размещены приказы МОиН РС(Я) и РУО о проведении Всероссийской олимпиады школьников
  • В разделе ДОШКОЛЬНОЕ ОБРАЗОВАНИЕ размещено Постановление Главы улуса "Об установлении размера родительской платы..."
КАЛЕНДАРЬ
«  Апрель 2018  »
ПнВтСрЧтПтСбВс
      1
2345678
9101112131415
16171819202122
23242526272829
30

Горячая линия

Президент России

Президент Республики Саха (Якутия)

МР Мегино-Кангаласский улус

Официальный сайт Басговру

Наша новая школа

Наша новая школа - СКМО

Реском профсоюза РС(Я)

СТАТИСТИКА

Онлайн всего: 4
Гостей: 3
Пользователей: 1
XEvilBestSwive
Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Официальный информационный портал ГИА  Всероссийское движение За честный ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Министерство Образования и Науки РФ  Федеральная служба по надзору в сфере образования и науки  Федеральный центр тестирования  Федеральный институт педагогических измерений  Единое окно доступа к образовательным ресурсам  Всероссийский Интернет-педсовет  ИД Первое сентября 
МКУ "Мегино-Кангаласское районное управление образования" © 2009