Олунньу 21 күнүгэр И.Г. Игнатьев аатынан Хара орто оскуолатыгар Арассыыйатааҕы оҕо уонна ыччат «Бастакылар хамсааһыннара» улуустааҕы салаата тэриллэр үөрүүлээх түгэнэ буолла. Ону тэҥэ Саха Өрөспүүбүлүкэтигэр Үлэ сылыгар аналлаах III-һүн ыытыллар өрөспүүбүлүкэтээҕи “Басхан-2023” диэн дьыалабыай оонньуу улуустааҕы таһыма ыытылынна. Улууспутугар олус суолталаах түгэҥҥэ уопсайа 9 нэһилиэк баһылыктара, 20 оскуола директордара, 34 оҕо хамсааһынын салайааччылара, 46 оскуола лиидэрдэрэ муһуннулар. Кыттыыны ыллылар:

- Дмитрий Иванович Тихонов - Мэҥэ-Хаҥалас улууһун аҕа баһылыга;

- Никифоров Николай Лукич - Мэҥэ-Хаҥалас улууһун үөрэҕириигэ салалтатын начальнига;

- Макарова Нюргуяна Владмимировна - Саха сиринээҕи "Навигаторы детства" ресурснай киин салайааччыта уонна улууспут аҕа баһылыктара, араас салаа салайааччылара, оскуола дириэктэрдэрэ.

Оҕолор ааттарыттан эҕэрдэ тылы “Мэҥэ кэскилэ” улуустааҕы оҕо уонна ыччат хамсааһынын лидерэ, И.Г. Тимофеев аатынан Майа лицейин 10 кылааһын үөрэнээччитэ, Соловьева Евдокия эттэ.

Дмитрий Иванович “Дьоһуннааҕы кэпсэтии” оҕолорго анаан биэс сорудахтан турар марафон ыытта.

Бу курдук кэскиллээҕи кэрэһэлиир үүнэр көлүөнэ ыччаппыт, саргыны салайсар, инникигэ сирдиир бүтүн дойдутааҕы оҕо уонна ыччат хамсааһына биир сүрүн улахан тэрээһин Мэҥэ-Хаҥалас улууһугар саҕаламмытынан ааҕылынна.

Салҕыы күммүт хаамыытынан «Басхан-2023” өрөспүүбүлүкэтээҕи дьыалабыай оонньуу улуустааҕы таһымын күрэҕэ саҕаланна.

Бу күрэх ыытыллар сыалынан-соругунан буолар:

1. Уол оҕо дириҥ өйдөбүллээх, киэҥ билиилээх, ырааҕы ыраҥалыыр киэҥ толкуйдаах буоларын ситиһии;

2. Төрөөбүт дойдуга, Ийэ сиргэ үтүө сыһыаҥҥа иитии;

3. Уол оҕону, эр киһини өрө тутан уопсастыбаҕа билиһинэрии, киэҥ эйгэҕэ таһаарыы;

4. Аҕа оруолугар болҕомто ууран, бэйэ-бэйэҕэ истиҥ доҕордуу сыһыаны үөскэтии.

Күрэххэ уопсайа 10 бастыҥ лиидэр уолаттар:

• Тимофеев Дмитрий – Василий Николаевич аатынан Павловскай орто сокуолатын 8 кылааһын үөрэнээччитэ;

• Павлов Юрий – Кеша Алексеев аатынан Хаптаҕай орто оскуолата;

• Протодьяконов Аян – Егор Дмитриевич Кычкин аатынан Матта орто оскуолатын 10 кыл үөрэнээччитэ;

• Попов Александр – Егор Дмитриевич Кычкин аатынан Матта орто оскуоолатын 10 кыл үөрэнээччитэ;

• Находкин Тимофей – Егор Дмитриевич Кычкин аатынан Матта орто оскуоолатын 8 кылаас үөрэнээччитэ;

• Григорьев Ярослав - Егор Дмитриевич Кычкин аатынан Матта орто оскуоолатын 7 кылаас үөрэнээччитэ;

• Аммосов Ренат – Николай Васильевич Петров аатынан Дьабыыл орто оскуолатын 7 кыл үөрэнээччитэ;

• Иванов Артем – Николай Васильевич Петров аатынан Дьабыыл орто оскуооатын 10 кыл үөрэнээччитэ;

• Яковлев Александр – Владимир Петрович Ларионов аатынан Майа орто оскуолата;

• Киренский Максим- Иннокентий Гаврилович Игнатьев аатынан Харатааҕы успуорт оскуолатын 6 клыаас үөрэнээччитэ.

«Басхан-2023» күрэҕи сыаналыыр дьүүллүүр сүбэ:

• Никифоров Николай Лукич - Мэҥэ-Хаҥалас улууһа үөрэҕирии салалтатын начальнига, дьүүллүүр сүбэ бэрэссэдээтэлэ;

• Куприянов Александр Валерьевич- Балыктахаах нэһилиэгин баһылыга, Мэҥэ-Хаҥалас улууһун баһылыктарын союһун бэрэссэдээтэлэ;

• Захаров Андрей Вадимович – Мэҥэ-Хаҥалас улууһун начальнигын солбуйааччыта;

• Илларионов Милан Михайлович – Василий Васильевич Скрябина аатынан Чүүйэ орто оскуолатын дириэкэтэрэ, Мэҥэ-Хаҥалас улууһун дириэктэрдэрин ассоциациятын бэрэссэдээтэлэ;

•  Захаров Юлиан Петрович – Кэрэчээн оҕо уһуйаанын сэбиэдиссэйэ.

Уолаттар санааларын сааһыланан, ис эйгэлэрин арыйан, киэҥ толкуйдарын көрдөрөн, хомоҕой тыллара аһыллар тургутан көрөр 5 түһүмэҕинэн барда:

1. «Удьуор утума» - кыттааччы төрдүн – ууһун билиһиннэрэр - 3 мүнүүтэ, ыйытыыларга хоруй – 3 мүнүүтэ.

2. Дьыалабыай оонньуу “Саха тылын инникитэ” дебат дьыалабыай оонньуу быhыытынан барда. Кыттааччылар аһаҕастык санааларын этэн, бэйэ бэйэлэригэр ыйытыы биэрэн, эбии Ньургуяна Владимировна туора турбакка бэйэтин санаатын этэн төрөөбүт төрүт тылбыт сүмэтин сүтэрбэт туһуттан маннык күрэстэр буолалларын хайҕаата уонна инникигэ баҕа санааларын тиэрдэн бу түһүмэх кэпсэтиитин интириэһинэй ис хоһоонноох киэргэттилэр.

3.  «Өркөн - өй» блиц-ыйытыктарга хоруй (уопсай билиигэ өйү тургутан көрүү), хас биирдии кыттааччыга саха төрүт дьарыгыттан, туттар мал-сал туһунан, өс хоһооннорун салҕаан биэриигэ 10-уу ыйытык бэриллэр;

4.  «Үлэ Дьоруойдара мин харахпынан» -Талан ылан Саха сирин Үлэ Дьоруайдарын туһунан тус санааны сааhылаан этии - 5 мүнүүтэ, ыйытыыларга хоруй – 3 мунуутэ.

5. «Айыы умсулҕана» айар үлэ түhүмэҕэ. Бэриллибит хоһоону тутатына ситэрэн, айан таһаарыы уонна айыллыбыт хоhоону уус-ураннык ааҕан иhитиннэрии.

Үһүс долгутуулаах чааска түмүктэри иһитиннэрии буолла. Ол курдук бастаан кыттааччыларга туоһу суругу туттардылар.

Онтон салҕыы бочуоттаах миэстэлэри билиһиннэрэбит:

• 3 бочуоттаах миэстэни ылла Аммосов Ренат, Н.В.Петров аатынан Дьабыыл орто оскуолатын 7 кылаас үөрэнээччитэ;

• 2 миэстэ туттарылынна Киренский Максимҥа, И.Г. Игнатьев аатынан Харатааҕы успуорт оскуолатын 6 клыаас үөрэнээччитэ.

• Эрэллээхтик 1 миэстэни ылла Тимофеев Дмитрий, В. Н. аатынан Павловскай орто сокуолатын 8 кылааһын үөрэнээччитэ;

• Уонна саамай “Басхан – 2023” Муҥутуур кыайыылаах аат хаһаайына буолла Павлов Юрий, Кеша Алексеев аатынан Хаптаҕай орто оскуолатын 10 кылааһын үөрэнээччитэ.

Свинобоева Сайыына, оҕо хамсааһынын медиа-специалиһа