Бэс ыйын 3 күнүгэр Тыыллыма нэһилиэгин «Эмис кустаах» алааһыгар самаан сайын кэлиитин уруйдуу көрсөр Мэҥэ-Хаҥалас улууһун оскуолаҕа киириэн иннинээҕи үөрэх тэрилтэлэрин ыһыаҕа буолан ааста.

Ыһыахха барыта 34 үөрэх тэрилтэтиттэн (25 детсад, 9 школа-саад) 400-тэн тахса үлэһит, 80 үлэ ветерана кэлэн кыттан, ыалдьыттаан бардылар.

Ыҥырыылаах ыалдьыттар: СР Ил Түмэн мунньаҕын дьиэ кэргэн, оҕо-аймах, эдэр ыччат, физическай культураҕа постояннай комитет бэрэссэдээтэлэ Баишев Юрий Петрович, Мэҥэ-Хаҥалас муниципальнай оройуон аҕа баһылыга Старостин Николай Прокопьевич, Мэҥэ-Хаҥалас муниципальнай оройуон баһылыгын социальнай боппуруостарга солбуйааччы Птицын Иван Петрович, Черкашина Ирина Васильевна, Тарасов Николай Петрович, Мэҥэ-Хаҥалас муниципальнай оройуон ыччат уонна дьиэ-кэргэн политикатын салалтатын специалиһа Судико Павел Анатольевич, Тыыллыма, Хара, Ходоро, Догдоҥо нэһилиэктэрин аҕа баһылыктара.

Үлэ ветераннара детсад тэрилтэлэрин параадын сагалаан киирдилэр.

Ыһыах аһыллыан иннинэ Түһүлгэ көрүүтүгэр 9 кустовой методическай холбоһуктар (КМХ) түһүлгэлэрэ көрүлүннэ.

• 1 миэстэ – Наахара КМХ
• 2 миэстэ – Табаҕа КМХ
• 3 миэстэ – Приленскай КМХ

Ыһыах арыллыытын сиэрин-туомун эстрада артыыһа Виталий Очиров толордо.

Салгыы  киэһээ буолуор диэри араас күрэхтэр, көрүүлэр быыстала суох, араас түһүлгэлэринэн  баран, мустубут дьон дуоһуйа сынньанан, оонньоон көрүлээн самаан сайын кэлбитин уруйдаатылар.   Ол курдук, «Саха талба-мааны таҥаһа» күрэххэ детсад ветераннара уонна үлэһиттэрэ көхтөөх кыттыны ыллылар. «Оһуохай оонньууну дуоратан» күрэххэ барыта 10 оһуохайдьыт кытынна. «Самаан сайыны уруйдуубун» ырыа күрэххэ барыта 17 номер кытынна: 8 ансабль, 9 соло. «Уһуйаан эдэр үлэһитэ-2017» күрэххэ12 эдэр үлэһит кытыннылар.

• 1 миэстэ – Карпова Саргылана Афанасьевна, Павловскай Мичээр детсад,  хореограф
• 2 миэстэ – Тастыгина, Майа Сардаана детсад иитээччитэ
• 3 миэстэ – Алексеева Валентина Мичильевна, Рассолода оскуолата,  муз.салайааччы

Спортивнай күрэхтэр араас араҥаны хабар гына тэриллэн ордук болҕомтону тартылар

• «Сарыы этэрбэс быраҕыы» күрэх (уһуйаан ветерааннара)
• Мас тардыһыыта (эр дьоннорго, дьахталларга абсолютнай күрэх)
• «Уһуйаан Чулуу эр бэрдэ» күрэх.
• «Бэргэн ытааччы» күрэх (уһуйаан салайааччыларын хамаандалара)
• Эстафета  (КМХ хамаандалара)
• Канаат тардыһыыта (КМХ хамаандалара)

Мэҥэ-Хаҥалас улууһун оскуолаҕа киириэн иннинээҕи үөрэх тэрилтэлэрин ыһыаҕа тэрээһиннээхтик, элбэх ветераннары, үлэһиттэри түмэн сэргэхтик ааспытын мустубут дьон бары бэлиэтээтилэр.