Сэтинньи 17-18 күннэригэр С.З.Борисов аатынан Тыыллыма орто оскуолатыгар, Ю.П.Баишев аатынан спорт саалатыгар “Мини-футбол - в школу” Всероссийскай программаҕа киирбит күрэхтэһии чэрчитинэн 2000-2002 с.т. оҕолорго Мэҥэ-Хаҥалас улууһун мини-футболга күрэхтэһиитэ түмүктэннэ.
Күрэхтэһии балаһыанньата сөпкө оҥоһуллан, улуус оскуолалара бары хамаандаларын аттарынаннар олус интэриэһинэй, уопсайа 200-тэн тахса үөрэнээччи кэлэн кыттыыны ыллылар. 2002-2003 с.т. уопсай түмүккэ 1 миэстэ Тыыллыма орто оскуолата, 2 миэстэ Майа лицейа, 3 миэстэ Төҥүлү орто оскуолата буоллулар. Бу сыллаах төрүөх оҕолорго кыргыттарга 1 м. Бэдьимэ орто оскуолата; 2 м. Майа Ф.Г.Охлопков аатынан орто оскуолата; 3 м. Хара орто оскуолатын кыргыттара буоллулар. 2000-2001 с.т. 1 миэстэ Тыыллыма орто оскуолата, 2 миэстэ Тумул орто оскуолата, 3 миэстэ Төҥүлү орто оскуолата буоллулар. Уопсай күрэхтэһии түмүгүнэн бастаабыт Тумул, Төҥүлү, Бэдьимэ уонна Тыыллама оскуолаларын хамаандалара улууспут чиэһин республиканскай “Мишка” күрэхтэһиигэ ситиһиилээхтик кытталларын баҕарыаххайын.
|