Кулун тутар 4-5 күнүгэр «Dota Yakutian Championship» өрөспүүбүлүкэтээҕи компьютернай успуорт турнирын улуустааҕы таһымын күрэҕэ ыытыллан ааста. Бу күрэс түмүгүнэн 5 киһи сүүмэрдэнэн биир хамаанда буолан улууспут аатын ааттата Өрөспүүбүлүкэ турнирыгар «Муус устар - 2023» фестиваль чэрчитинэн кытта барыахтара.

Тэрийээччилэринэн улуустааҕы "Мэҥэ кэскилэ" оҕо уонна ыччат хамсааһына уонна Мэҥэ-Хаҥалас социальнай бэлиитикэ салалтата буоллулар.

Бу оонньууга хас биирдии кыттааччы Dota2 оонньуу быраабылаларын тутуһар уонна сурутууну ааспыт чопчу НИГынан эрэ оонньуохтаах. Матчтар лоп курдук ыйыллыбыт бириэмэтигэр саҕаланаллар уонна кыттааччылары кытта судьуйа эрэ баар буолуохтаах.

Хас биирдии кыттааччы статистикатын түмүгүнэн кыайыылаахтар ааттаннылар.

Ол курдук күрэххэ уопсайа 25 кыттааччы: Хорообуттан, Томтортон, Аллараа Бэстээхтэн, Майа сэлиэнньэтиттэн уонна Майатааҕы В.П.Ларионов аатынан, Ф.Г.Охлопков аатынан уонна И.Г. Тимофеев аатын лицей үөрэнээччилэрэ туора турбакка күрэскэ кытыннылар.

Тэрээһин сүрүн судьуйаларынан: Майатааҕы Ф.Г.Охлопков аатынан орто уопсай үөрэхтээһин оскуолатын 9“а” кылаас үөрэнээччилэрэ - Дмитриев Миша уонна Монастырев Уххан буоллулар.

Ол курук күрэс түмүгүнэн бастыҥ оонньооччуларынан буоллулар:

Павлов Виктор (shaltbalt)

Ноев Роберто (Noodletski)

Николаев Егор (Clark.LTH)

Аргунов Прокопий (amagami)

Наумов Артём (._ХРБТ)

Уолаттарга ситиһиилэри!

Свинобоева Сайыына,

улуустааҕы оҕо хамсааһынын медиа-специалиһа